新冠肺炎|首日禁堂食市民戶外開飯 鄭中基:懇請大家唔好影相

撰文:洪曉璇
出版:更新:

本港連續一星期每日新冠肺炎確診人數破百,政府新一輪防疫措施生效,食肆首日全面禁堂食,唔少市民被逼要喺室外用餐。鄭中基喺中午時發文,呼籲大家:「唔好影相甚至PO上網,人人嘅尊嚴都應該受到尊重。」

鄭中基喺Facebook發文,希望大家給予尊重。(facebook:@Ronald Cheng鄭中基)

鄭中基喺Facebook留言話:「就嚟到食晏時間啦,其實好多工種嘅人都冇地方食飯,所以大家互相體諒多啲啦!#辛苦搵來自在食 #尊重自己尊重其他人,並唔係每個人都可以有個空間靜靜地食飯。懇請大家喺街見到人食飯嘅話,就俾啲空間,唔好影相甚至po上網。人人嘅尊嚴都應該受到尊重。」