黎諾懿親子活動億元豪宅曝光 複式連天台搞pool party都無問題

撰文:鄺鈺瑩
出版:更新:
客龐有個小型停車場,小春雞至有4部戰車。

自從囝囝黎峰睿(小春雞)出世後,黎諾懿與老婆李潔瑩不時都會喺IG分享囝囝嘅生活點滴,每次睇到小春雞喺坐住架玩具跑車通屋走,又或者喺天台搞pool party、種植物時,網民都驚嘆連連,甚而喺google輸入黎諾懿時,會連隨出現「住邊」嘅搜尋建議。

疫情爆發嚴重,多個泳池關閉,有私家泳池嘅小春雞無有怕。(影片截圖)
點玩都得。(nicgogo@IG圖片)

曾經住過劏房、又住過西貢村屋嘅黎諾懿,因為老婆嘅關係,所以曾有「五億女婿」嘅稱號,有傳2016年二人結婚時,外父外母因為擔心黎諾懿打無綫工朝不保晚,所以買入4千萬豪宅作為結婚禮物送予二人,屬真屬假不得而知,但黎諾懿自《愛·回家》馬壯一角上位後,工作成績、吸金力都有目共睹。

3歲小春雞間房除有偏廳外,仲可以打鞦韆。

婚後與老婆由西貢搬出市區嘅黎諾懿,入手何文田大型豪宅屋苑,由其IG相估計,單位應該係複式連天台,據地產網頁資料顯示,全屋苑有22個複式連天台單位,面積由2388至4136呎不等,部分採用6房3廳連4套房設計,而20呎特高樓底加上40呎長巨廳,更令人猶如置身獨立洋房一樣,市值過億。

+14