蘇玉華李思捷互送高帽　大讚合作非常愉快

李思捷、蘇玉華、狄龍、林敏驄、錢小豪及元秋到西環出席港産賀歲片《一家大晒》煞科宴。李思捷今次揸旗做導演，並與蘇玉華飾演兩公婆，他表示日常好少拍溫情片，所以開戲的時候就以親情作為主題，希望搞笑得來又可以感受家庭的溫暖。而蘇玉華則非常感激李思捷的邀請：「好感激他開戲搵埋我，而我又可以同狄龍大哥，仲有元秋一齊做戲，呢個機會真係千載難逢，聽到都覺得好開心，真係要好多謝思捷。」兩人互送高帽，大讚與對方合作非常愉快。

至於林敏驄今次飾演狄龍大哥的大仔。林敏驄笑言用盡方法去玩狄龍大哥，對方功力十足，輕易拆招，玩他唔到。而狄龍大哥讚林敏驄：「他係一個好精緻的演員，穿透力又好強，係永遠都估唔到他諗咩。」問到有無被林敏驄整蠱，狄龍大哥笑言：「咁又無，不過有搞笑事發生，佢係ending的時候，撲過來攬住我，我唔小心撞到他下巴。」不過兩人合作非常愉快，狄龍大哥仲睇好林敏驄有做影帝的潛能。