【致命復活】今晚播陳庭欣床戲 安仔：收視3字頭野人Look陪食飯
撰文：郭敏玲
出版：更新：
郭晉安、萬綺雯、王浩信、朱晨麗、譚凱淇等《致命復活》演員今日到油尖旺區，進行花車巡遊，並向市民大派禮物，與眾同樂。現在全城人人都估邊個係Final Boss，眾演員就透露今晚還未見真兇，但將會有激情場面，就是郭晉安與陳庭欣的床戲，以及朱晨麗與張國強的曖昧感情線！
一眾《致命復活》到油尖旺區出巡，吸引大班市民到場。（黃國立攝）
《致命復活》出街兩星期，收視有24點，兩位主角郭晉安與萬綺雯表示滿意收視，但更希望收視可以更上一層樓。蚊蚊表示：「都算好嘅，最好就掂到3啦，呢套劇嘅口碑一向都好好，大家都討論邊個有份做兇手。」至於安仔都有同樣願望，更說：「希望有多4、5點啦，大家都好努力製作，第一次單機拍攝，真係好大誠意好新嘗試！如果收視有3字頭我就野人look同大家食餐飯！」
郭晉安預告今晚開始，就會有復仇大計。（黃國立攝）
蚊蚊就話最近都有人問她兇手究竟是誰，但因為是最大秘密，所以不能夠爆響口，只說：「真係要到結局先知。」問到安仔新劇被指似《與敵同行》，他反而覺得他在《致》的角色性格與電影《復仇勇者》裡里安納度狄卡比奧所演的角色相似，「我呢個角色面對嘅嘢排山倒海咁嚟，無時間去諗咁多嘢，我做起上嚟會覺得有呢個共同點。」
萬綺雯希望收視可以再上一層樓。（黃國立攝）
【致命復活．劇透】張國強十年前病歷有古怪 安仔囚禁仇人大報復【致命復活】《天蠶變》主角顧冠忠演黑警 入無綫三年做閒角【致命復活】陳庭欣飛越南「一秒被姦」 扮死屍烏繩摟：有俾嘢咬【劇透】郭晉安《致命復活》套路似足《復仇勇者》+《金田一》？
蚊蚊忙完宣傳後，這近大半年都會忙於舞台劇《我和春天有個約會》的排練，而且會在上海公演穿梭，《致命復活》後有一段時間都不能在電視機見到她，「大家可以在其他方面留意下我！」安仔除了新劇外，最近有傳太太歐倩怡有身孕4個月，安仔笑言：「我問過佢，佢話無，之後我望望佢個肚，由18吋到而家無18吋，就會好欣賞佢。」會否再生小朋友？安仔就話「兩個就夠晒數」，將心機放在2個小朋友身上仲好。