【台慶頒獎禮】劉佩玥一年出六劇 飛躍頂頭大熱撼龔嘉欣

撰文:郭敏玲
出版:更新:

一年一度的台慶頒獎禮舉行在即,焦點少不免是競猜誰是視后視帝。不過攞獎等於有機會上位的男女配角、飛躍進步男女藝人獎都係兵家必爭之地,例如劉佩玥最近就被網民力推,成為「飛躍進步女藝員」大熱,力撼近期在《幕後玩家》憑失聲爆喊的心噏演技彈出的龔嘉欣,兩人可謂旗鼓相當。睇下阿Moon自己點拉票!

數數手指,劉佩玥今年其實都幾多產,大約每兩個月就見佢一次,包括:《實習天使》、《EU超時任務》、《殭》、《一屋老友記》、《城寨英雄》及《幕後玩家》,一共6套劇,每套收視同口碑都有番咁上下,特別是後3套,《一屋老友記》飾演的星辰姐姐,與細寶(張彥博飾)是一對,兩人周不時在網上自彈自唱,網民都大讚唱得好聽。阿Moon更透露將來會多上聲樂堂,有機會都想唱下歌仔畀大家聽;而《城寨英雄》裏,柯德莉與貓仔(伍允龍飾)可歌可泣的愛情故事,現在仍令觀眾念念不忘,覺得這對熒幕情侶確實好襯,更帶摰兩人齊齊出商場show。至於《幕後玩家》,唔使講啦,就係最強小三Emma!

聽落,劉佩玥所演的這幾個角色評價都頗為正面,首先以多取勝。另一方面,雖然「飛躍進步獎」由TVB評委會及全台職藝員選出,但網民對阿Moon的評價,大家都有目共睹,至於劉佩玥與龔嘉欣之爭邊個跑出,大家一齊留名等睇結果。

因為《一屋老友記》,促成了阿Moon與張彥博在網上jam歌;又因為《城寨英雄》,又令阿Moon與伍允龍以情侶檔出商場活動。
講起Emma,最念念不忘當然是這一幕!!!!