【幕後玩家】「最強小三」劉佩玥對賤男要狠心:唔可以姑息!

撰文:
最後更新日期:

劉佩㻚飾演的Emma,基本上在劇中由頭搶到尾。(網上截圖)

如果遇到好似Emma這麼強的小三,直頭想融入家中,分享老公,女人都好難唔驚。

奸角永遠最搶鏡,劉佩玥在《幕後玩家》飾演Emma,由第一集開始以小三形象出場,除了同黃宗澤親熱戲搶鏡,早幾集的進擊招數,令到不少女粉絲看得火滾,更被封為史上最強小三;當然要找真身Emma即是劉佩玥Moon講解下,有什麼方法對付這個女人公敵,不過阿Moon都表示沒有辦法,她說:「現實中我就好好彩未遇過,至於對付小三的招數,我覺得最緊要做好自己先,首先自己唔好做小三先,自己畀自己價值都好重要,好多受害者有時會諗可能自己唔夠好,所以佢先出去『耍耍滾』呀,或者搵小三,我就覺得咁諗好錯,因為男方做錯絕對唔關你事,而對付小三最好嘅方法就係放手,男方如果因為另一個始亂終棄,呢個男人都唔係一個好嘅人,佢對其他人都會咁做,唔好去姑息。」

【幕後玩家】劉佩再演狐狸被狂鬧 最強小三求情:都係出自真心

昨晚24集Emma目睹Sheldon偷食,之後在街頭被Sheldon飛,認真可憐。

對付小三阿Moon就話最好放手,放開所有,如果現實中有個Sheldon男友又如何鎖實呢?她說:「點樣鎖實呀,成日諗其他人冇用嘅,做好自己就夠架喇,成日諗點提防呀?男友會唔會出軌呀?冇用㗎,就算另一半做錯嘢,都唔關自己事。呢套劇畀我最大得著,就係做人要光明正大,無論追求權利、金錢、愛情,行錯一步就滿盤皆落索。」真想不到問阿Moon講如何鎖實男友,她可以講到去《幕後玩家》的中心思想,還可以用「滿盤皆落索。」做結尾,阿Moon真的有文采。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。