去年10月向佐同太太郭碧婷迎來新生命，囡囡「小奶皇」向芷出世，之後一直留喺台北共聚天倫。情人節向佐分享同囡囡喺床上玩嘅相片，仲首次貼出一家三口出遊合照。

產後短短4個月，見到新手媽媽郭碧婷已回復窈窕身形，V面兼小腿纖細，瀏海髮型更減齡不少。之前傳出郭碧婷產前憂鬱，見到相中佢笑得好開懷，似乎已經好返晒。

除咗佢哋一家三口，爺爺嫲嫲向華強及向太陳嵐都喺當地，同居於新購置嘅1.6億元豪宅，屋內購入大量年花佈置，相當有新年氣氛。

點擊睇向太呢間台北豪宅：