2月26日將會與麥秋成結婚嘅湯怡，早前宣佈婚訊順道公開懷孕消息，陀住4個月BB嘅佢，雖然婚期將至但看似未有太大壓力，連日來到處食嘢，佢笑言：「最近好大食，大食到唔夠膽上磅。」見到湯怡食完台灣牛肉麵，再去食芋圓糖水，唔少網友留意到碗上有大大球雪糕，留言提醒孕婦要戒口，湯怡亦馬上回應：「雪糕點輪到我食呀！」