現年34歲的網紅「五索」鍾睿心（Rachel）與身家以百億計的66歲大生銀行主席馬清鏗爆出婚外情，兩人拍拖九年，育有4名子女。雖然五索曾透露婚外情事件爆出後，令男方有微言，但早前情人節，五索依然獲另一半送花、送蛋糕，力證感情穩定，不過她就大爆馬生大「縮水」，由往年送99枝玫瑰減量至60枝，更有一紮白玫瑰，令五索不禁鬧爆：「大佬而家死人咩？」而日前五索就拍片表示不可再亂講嘢：「阿馬先生會嬲㗎，我再亂講嘢，我會俾人哋cut水喉㗎！」

近日五索與裕美合作投資生意，五索自言很想親身為產品代言，但因擔心出鏡太高調而惹來馬生不滿：「真係笠水呀，咁公司嘅嘢呢，我就冇辦法再拍囉，冇辦法之下，咪畀晒美美拍囉，唔係點啫而家？總之而家我就舐咗嘢，我就出唔到鏡囉，唔係我唔想拍囉！」五索又指裕美的命格是「愈努力愈幸福」，而自己就是「愈躺平愈幸福」，所以「絕對唔可以做嘢」，不過裕美即反駁：「你躺平呢，係你冇得揀，因為你乜嘢都唔識做嘅OK？你係真係乜嘢都唔識做，你係我認識嘅唯一一個人類係可以乜嘢都唔識做呀！真係！」