現年53歲視帝陳豪一向以愛妻聞名，2013年迎娶陳茵媺，陳茵媺翌年以全職照顧小朋友及家庭為由宣布暫時淡出娛樂圈，陳豪甘願做家庭支柱全力搵金，努力拍劇賺錢養育一家五口，男主外女主內，家庭生活幸福。

陳豪積極發展內地社交網，網民愛看陳豪陳茵媺放閃，陳豪便拉老婆上鏡。日前陳豪分享短片，有網民要求幾時見到陳豪陳茵媺一同拍片上鏡，陳豪即刻拉住陳茵媺出現。陳茵媺甜笑見人，與陳豪甜到漏！

陳豪近年多留鬍鬚，男人味十足；陳茵媺則Keep得靚女，絲毫不似43歲靚媽。有網民直指陳茵媺Keep得太好，同陳豪外表似足「父女戀」！有網民留言：「你老婆怎麽不顯老啊，看著像你女兒一樣」引來多位網民讚好。