現年36歲的方泳琳（Jessie）樣子甜美獲封「籃球女神」之稱，她於2023年與拍拖兩年的前甲一籃球員男友陳張敏結婚，結婚未夠兩年二人今日宣布成功造人，恭喜恭喜！

方泳琳與老公在籃球拍照宣布好消息，並留言：「終於可以同大家分享呢份喜悅啦！我哋一直都好鍾意小朋友，所以結婚之前已經做晒婚前檢查，婚後亦都即刻調理身體，進入備孕狀態！直到拍攝《大力情人》嘅時候，身形已經調理到大咗成個碼🫣 但最驚險係去到拍攝最後一日，我都未知自己原來已經懷有身孕好🫢喺節目入camp嗰陣搬咗好多個沙包，好似摔角咁推對方出沙圈等等嘅危險動作🙈 諗返起都牙煙🫠 (最後係拍晒成個節目先發現自己有咗😓)之後隔咗冇幾耐，唔知係咪真係太操勞，發現有少少見紅，要臥床成個星期，不過BB都好叻叻，冇事冇事😌感謝上天俾機會我哋成為父母🙏🏻 非常期待BB嘅來臨👶🏻唔知BB鍾唔鍾意打🏀呢？究竟佢會似Mammy做射手，定係似Daddy做大前鋒呢？」