鍾鎮濤昨晚（29/9）現身將軍澳出席無綫新劇《巨塔之后》宣傳造勢活動。提到他日前憑電影《廿四味》奪得《2025吳天明青年電影展》「最佳男演員」的奬項，迎來人生中從影以來第一個關於電影上的獎項。

鍾鎮濤接受《香港01》訪問時表示：「其實攞到呢個獎我係好驚喜，因為呢套戲仲未正式公演，但原來係鼓勵年青嘅新晉導演同年青嘅工作人員，但原來又有個獎係俾演員，而我攞到呢個獎，見到被肯定，同埋有啲成績又好開心。」

鍾鎮濤續說：「呢個都算係我電影嘅第一個獎項，但係成日同我拍戲嘅人都會攞獎嘅，邊個想攞獎嘅同我拍戲就啱啦。就好似梁朝偉、張曼玉等好多嘅，一同我拍就攞獎。（咁你成就咗好多人！）係㗎，好腳頭呀。（有冇同屋企人慶祝？）都冇乜大慶祝，只係開心咁樣囉。」