MIRROR親證不會出席《叱咤》頒獎禮 指當日有其他工作安排
一年一度的《叱咤樂壇流行榜頒獎禮》一向是娛圈盛事，而男團MIRROR近年可謂雄霸叱咤頒獎禮，成為多年來的「大贏家」，場內亦被鏡粉坐滿。MIRROR去年第四度冧莊「我最喜愛的組合」，而姜濤就連續5年奪得「我最喜愛的歌曲」獎，早前盛傳MIRROR將全員缺席頒獎禮，而今日（12日）「妹豬組」成員Anson Lo盧瀚霆、Edan呂爵安、Jeremy李駿傑同姜濤出席《CHILL GENKI》音樂祭記者會時，就確認不會出席，Jeremy透露：「我哋收到最新嘅安排，就係其實我哋1月1號有工作安排，所以其實我哋今年嘅叱咤就唔會出席嘅，但係其實我哋自己每一年都好開心，可以參加呢一個盛事，覺得係依家有工作安排囉。」至於其餘三位並冇意見發表，只一致同意Jeremy的說法。
被問到是否如江湖傳聞所講，當日去澳門工作，姜濤笑言有很多傳聞，Jeremy只說：「關於工作安排我哋遲啲會公布。」MIRROR出道以來每年都踏上叱咤台，甚至是因為當年的《Ignited》表演令外界刮目相看，被問到今年缺席會否感可惜，Jeremy說：「當然有啲可惜，但係我覺得我哋依家嘅工作安排，今次參加唔到，可能下次都可以參加㗎嘛，日子仲有好長，仲有好多機會嘅！」Anson Lo、Edan、姜濤再表示：「一致！」
四子將在《CHILL GENKI》音樂祭上，與日本女子組合PUFFY同台演出，Jeremy表示：「好開心，因為我知道佢哋係殿堂級嘅一個組合，我哋都好開心可以同唔同嘅大前輩一齊合作，其實每一次合作都有好多唔同嘅經驗，同埋今次又係一個日文嘅交流，所以我哋要努力啲準備好啲日文，唔好失禮兩位前輩，起碼打個招呼都要，俾啲禮貌。」Edan對於日文歌都頗熟悉，自言幾位都是動漫迷，會加很多大家耳熟能詳的經典主題曲於今次歌單中。
昨晚在澳門舉行的《NBA Fan Day 2025》中，姜濤與Edan都是表演嘉賓之一，姜濤更成功與偶像林書豪集郵，並寫下長篇感想，他表示：「我都係因為林書豪先至打波，所以見到佢嘅時候都好感慨，都係一種激勵，見到佢無論遇到咩困難都咁努力去克服嘅時候，係彼此嘅一種能量。（有冇自我介紹？）我冇自我介紹，淨係同佢講我係你fans。」不過他亦說，冇睇過林書豪打波是自己的一大遺憾。今次見面後，林書豪Follow了他、Edan及邱士縉（Stanley）的社交平台，Edan興奮表示冇想過見到咁多由細上網睇到大的傳奇人物，包括奧尼爾、姚明、碧咸：「今次冇機會接近佢（碧咸），我都想同佢講一句you handsome。」
睇完NBA後，Edan與Stanley去睇王嘉爾演唱會，姜濤因錄歌未有同行，Edan說：「好想見識吓國際級嘅製作作表演，所以我哋都睇得好投入好開心，覺得去學嘢！」而Anson Lo稍後亦即將在12月6至9日開第二次個人演唱會《ANSON LO ”KINGDOM“ LIVE 2025》，他在訪問中借機宣傳，講到海報中的服裝大騷腹肌，他透露：「其實本身唔係用呢一張，本身係用一張含蓄少少，但係我又覺得，好似爭咁啲嘢，咁就用咗第二張，咁好彩呢大半年有節制吓，有管理吓身形，如果唔係着嗰件衫都驚嘅，要繼續努力。」他透露嘉賓人選尚未落實，傾向邀請一些大家的集體回憶，但視乎前輩們檔期以及監製莊世榮安排。至於舞台上的戰衣會否比海報更性感，他指見仁見智，並說：「我唔敢講性感呢個字，我驚有拉高大家expectation，總之呢度露啲啲、嗰度露啲啲咁，每件衫都有唔同嘅露法。」
一向「惜肉如金」的姜濤，早前突然大騷露背相，引起很大哄動，他笑言是一時興起：「我諗短期內都唔會，本身唔想咁多人討論，所以做人都唔好一時興起。（會唔會post埋正面？）正面應該會嚇親人，所以唔好住。」他去馬爾代夫時也有順道學潛水，表示：「因為都有個『濤』字，屬於浪濤嘅一部份，所以要學識潛水，同海水融為一體。」儘管早前曾墮海，不過姜濤就說自己不會因此有陰影而不敢落水：「梗係冇啦，浸過鹹水嘛！鍾意咗安全地喺水入面，諗吓睇吓考唔考潛水牌，都有啲難度，玩同考係兩回事，我推薦大家試吓玩，幾好玩。」
日前在節目上，姜濤透露「老婆」是其座駕，其他成員被問有冇見過姜濤老婆，Jeremy表示：「望過一眼。」姜濤即回應：「我呷醋！」原來目前全團中只剩Anson Lo未考車牌，他直言考車是自己的小目標，希望盡快成事，豈料隨即被姜濤爆：「佢有司機吖嘛！」
而Edan與Anson Lo都各有電影工作忙緊，Edan透露未拍完，但希望下年前半年能跟大家見面，至於在拍攝杜琪峯電影Anson Lo亦同樣未拍完，他透露過完演唱會再繼續拍。早前小儀宣布將於月底離開效力多時的商業電台，Edan亦有關心這位「正印」，「事前都唔知，但係都有message關心吓佢，佢叫我約佢食飯，都開心嘅，開心佢有呢個新嘅目標，有新嘅路想自己行，所以都支持佢。」他不清楚對方下一步安排，只強調小儀有保證自己不是退休，若Edan生日會想再找她做MC都絕對冇問題。
一年一度的《叱咤樂壇流行榜頒獎禮》一向是娛圈盛事，而男團MIRROR近年可謂雄霸叱咤頒獎禮，成為多年來的「大贏家」，場內亦被鏡粉坐滿。MIRROR去年第四度冧莊「我最喜愛的組合」，而姜濤就連續5年奪得「我最喜愛的歌曲」獎，早前盛傳MIRROR將全員缺席頒獎禮，而今日（12日）「妹豬組」成員Anson Lo盧瀚霆、Edan呂爵安、Jeremy李駿傑同姜濤出席《CHILL GENKI》音樂祭記者會時，就確認不會出席，Jeremy透露：「我哋收到最新嘅安排，就係其實我哋1月1號有工作安排，所以其實我哋今年嘅叱咤就唔會出席嘅，但係其實我哋自己每一年都好開心，可以參加呢一個盛事，覺得係依家有工作安排囉。」至於其餘三位並冇意見發表，只一致同意Jeremy的說法。
被問到是否如江湖傳聞所講，當日去澳門工作，姜濤笑言有很多傳聞，Jeremy只說：「關於工作安排我哋遲啲會公布。」MIRROR出道以來每年都踏上叱咤台，甚至是因為當年的《Ignited》表演令外界刮目相看，被問到今年缺席會否感可惜，Jeremy說：「當然有啲可惜，但係我覺得我哋依家嘅工作安排，今次參加唔到，可能下次都可以參加㗎嘛，日子仲有好長，仲有好多機會嘅！」Anson Lo、Edan、姜濤再表示：「一致！」
四子將在《CHILL GENKI》音樂祭上，與日本女子組合PUFFY同台演出，Jeremy表示：「好開心，因為我知道佢哋係殿堂級嘅一個組合，我哋都好開心可以同唔同嘅大前輩一齊合作，其實每一次合作都有好多唔同嘅經驗，同埋今次又係一個日文嘅交流，所以我哋要努力啲準備好啲日文，唔好失禮兩位前輩，起碼打個招呼都要，俾啲禮貌。」Edan對於日文歌都頗熟悉，自言幾位都是動漫迷，會加很多大家耳熟能詳的經典主題曲於今次歌單中。
昨晚在澳門舉行的《NBA Fan Day 2025》中，姜濤與Edan都是表演嘉賓之一，姜濤更成功與偶像林書豪集郵，並寫下長篇感想，他表示：「我都係因為林書豪先至打波，所以見到佢嘅時候都好感慨，都係一種激勵，見到佢無論遇到咩困難都咁努力去克服嘅時候，係彼此嘅一種能量。（有冇自我介紹？）我冇自我介紹，淨係同佢講我係你fans。」不過他亦說，冇睇過林書豪打波是自己的一大遺憾。今次見面後，林書豪Follow了他、Edan及邱士縉（Stanley）的社交平台，Edan興奮表示冇想過見到咁多由細上網睇到大的傳奇人物，包括奧尼爾、姚明、碧咸：「今次冇機會接近佢（碧咸），我都想同佢講一句you handsome。」
睇完NBA後，Edan與Stanley去睇王嘉爾演唱會，姜濤因錄歌未有同行，Edan說：「好想見識吓國際級嘅製作作表演，所以我哋都睇得好投入好開心，覺得去學嘢！」而Anson Lo稍後亦即將在12月6至9日開第二次個人演唱會《ANSON LO ”KINGDOM“ LIVE 2025》，他在訪問中借機宣傳，講到海報中的服裝大騷腹肌，他透露：「其實本身唔係用呢一張，本身係用一張含蓄少少，但係我又覺得，好似爭咁啲嘢，咁就用咗第二張，咁好彩呢大半年有節制吓，有管理吓身形，如果唔係着嗰件衫都驚嘅，要繼續努力。」他透露嘉賓人選尚未落實，傾向邀請一些大家的集體回憶，但視乎前輩們檔期以及監製莊世榮安排。至於舞台上的戰衣會否比海報更性感，他指見仁見智，並說：「我唔敢講性感呢個字，我驚有拉高大家expectation，總之呢度露啲啲、嗰度露啲啲咁，每件衫都有唔同嘅露法。」
一向「惜肉如金」的姜濤，早前突然大騷露背相，引起很大哄動，他笑言是一時興起：「我諗短期內都唔會，本身唔想咁多人討論，所以做人都唔好一時興起。（會唔會post埋正面？）正面應該會嚇親人，所以唔好住。」他去馬爾代夫時也有順道學潛水，表示：「因為都有個『濤』字，屬於浪濤嘅一部份，所以要學識潛水，同海水融為一體。」儘管早前曾墮海，不過姜濤就說自己不會因此有陰影而不敢落水：「梗係冇啦，浸過鹹水嘛！鍾意咗安全地喺水入面，諗吓睇吓考唔考潛水牌，都有啲難度，玩同考係兩回事，我推薦大家試吓玩，幾好玩。」
日前在節目上，姜濤透露「老婆」是其座駕，其他成員被問有冇見過姜濤老婆，Jeremy表示：「望過一眼。」姜濤即回應：「我呷醋！」原來目前全團中只剩Anson Lo未考車牌，他直言考車是自己的小目標，希望盡快成事，豈料隨即被姜濤爆：「佢有司機吖嘛！」
而Edan與Anson Lo都各有電影工作忙緊，Edan透露未拍完，但希望下年前半年能跟大家見面，至於在拍攝杜琪峯電影Anson Lo亦同樣未拍完，他透露過完演唱會再繼續拍。早前小儀宣布將於月底離開效力多時的商業電台，Edan亦有關心這位「正印」，「事前都唔知，但係都有message關心吓佢，佢叫我約佢食飯，都開心嘅，開心佢有呢個新嘅目標，有新嘅路想自己行，所以都支持佢。」他不清楚對方下一步安排，只強調小儀有保證自己不是退休，若Edan生日會想再找她做MC都絕對冇問題。