譚嘉儀今日（ 9/1）現身尖沙咀出席《同心同路·聲動香港》慈善音樂會記者會，將以歌聲為早前大埔嚴重火災中受影響的居民打氣送暖。

譚嘉儀接受《香港01》訪問時表示：「今次呢就係為咗一啲受到影響嘅大埔居民，佢哋呢就做咗一個慈善音樂會，當初聽到呢個消息嘅時候，我覺得非常之有意義，而我都冇乜點樣多問呢個內容，我就一口應承，希望可以喺呢個音樂會上面，可以出番一分力，希望可能令佢哋心情去舒緩多啲，或者要用音樂去幫助陪伴佢哋一齊渡過難關。」

提到她將於2月28日在澳門舉行《陪着你走巡迴演唱會》第三站演出。譚嘉儀表示：「咁都好開心可以去到澳門，同埋自己而家都會準備緊一啲歌單，因為巡迴嘅關係，大部份都系可能係一樣，始終都係個連續性咁樣，所以自己都希望加少少新鮮嘅元素落去，希望嚟睇咗三次嘅朋友都有啲新鮮鮮性感。（有冇性感元素？）呢個唔係喺我考慮裡面，但都會以健康同靚係優先，反而我會着重係歌單方面，希望有一啲新歌可以加入去，令到大家都可以目一新嘅感覺。」