龍婷與李龍基（基哥）傳出緋聞，後基哥澄清與龍婷並不熟稔，只見過一兩次面。日前（22/1）龍婷出席《保良局周年慈善餐舞會》接受《香港01》訪問，也回應緋聞，坦言當晚是一個公眾聚會的場合，同行也有其他藝人，但就只是被拍得她與基哥傾談的照片，感到頗為無奈。

澄清與李龍基地下情緋聞

龍婷表示，剛在內地舉行了幾場音樂會，之後農曆新年將會出席央視其中一個節目：「係《星光大道》歷屆選秀。」她透露，當時基哥見到她後，提議一齊開演唱會，並透露當時是第一次交談。「電視見過，但係真正講嘢係第一次。（傳有地下情，點睇？）我冇嘅嘢唔使睇，唔關我事。（有沒有關心基哥？）我真係唔知，冇睇新聞，唔清楚。（近排同基哥有冇聯絡？）冇聯絡，從來都冇聯絡過。」