現年52歲，有「六合彩之子」之稱的蔡國威最近因在《中年好聲音4》以「唐伯虎」出場再度人氣彈起，雖然蔡國威未能逃過被淘汰命運，但也令不少網民大拍手掌。人氣急升，隨之而來可能就是工作增多，但蔡國威今日突然在社交平台發文，表示自己身體響起警號，更痾出血尿，令人擔心。

蔡國威在社交平台上說：「報告出咗……..其實喺15/4,我如常早上做運動,然後跑步,跑嘅時候有少少痛,最後都完成,跟住沖涼嘅時候,發生血尿,(係好恐怖,全部都係血紅色),所以我就即刻去醫院睇醫生,隨後轉介睇泌尿科專科醫生,要約做各種檢查,包括再驗血和尿,電腦掃描,照膀胱鏡…..感謝神,感謝大家嘅祝福,首先可以撇除咗好多最唔好嘅嘢,相信亦搵到原因,但係而家暫時需要用藥物去治療同觀察,之後都要盡快處理,或需要做手術,再次多謝大家關心,感謝醫生護士們悉心照顧,我會好快好返晒」。