現年59歲的阮兆祥（祥仔）為無綫「福祿壽」的扮嘢能手，近年積極開拓內地市場，進駐抖音直播帶貨界，在競爭激烈的帶貨市場分一杯羹，去年更在廣州出席頒獎禮，勇奪「2025年度滋補健康產業卓越達人獎」。祥仔日前被拍到現身街頭，一身街坊裝，卻被誤認為黎耀祥，相當搞笑。

阮兆祥被誤認為黎耀祥

阮兆祥日前被拍到現身香港街頭，阮兆祥拎住一個綠色袋，着白色衫和短褲，腳踏波鞋，一派輕鬆地在街頭過馬路，微微笑心情大靚。阮兆祥見到粉絲影相，一邊行一邊笑住點頭，之後又與粉絲影相，作風親民又貼地。

而發文網友寫上「旺角街頭遇見黎耀祥」，獲其他網民留言糾正：「人地（哋）叫院（阮）兆祥」、「你確定係黎耀祥！？得一個『祥』字中咋喎」、「黎耀祥？？？確定？？？」、「呢個係盧覓雪黎（嚟）架（㗎）」。有人想起早年有人誤認許志安為杜德偉的經典事件，留言笑指：「條友好串（寸） 叫佢黎生都吾（唔）應人」。