【失戀日】鄧麗欣情傷金句 MK活地亞倫走甜攻陷港女
撰文：林通賢
出版：更新：
戲中的阿寶遇到7年之癢，現實中的Stephy就同方力申拍拖10年而分手。
今個聖誕新年除了西片外，王家衞大戰MK活地亞倫，sorry 應該寫葉念琛向王家衞挑機，雖然兩套港片，都有不少人覺得好爛，不過金句就滿足到一班粉絲，港人一向「金句控」，不知為何看港劇、港片一定要有金句？《擺渡人》有「冰，抓着會痛，不放手，最後也會消失」，嘩！第二個人寫，大家會覺得作狀，不過出自王家衞手筆，成件事就不同了。【擺渡人】十大金句勁過黎明 戲很爛對白仍然精彩
當然《失戀日》亦有「旺角系」金句，節錄如下：
當一個男人不再愛你，多壞的事也會做。
這句成為《失戀日》金句，但相信有不少男人唔同意這句對白。
一個人如果連死也不怕，其實所有事情都變得微不足道了。
呢句說話唔單止愛情適用，平時生活都啱用。
你身邊愈多人失戀，或者愈多人提失戀，漸澌會影響你身邊的人，最後你也會失戀。
有網友鬧麥明詩演技浮誇，不過第一套電影，大家俾啲機會啦。
要找的是出口，不是借口。
今次葉念琛啲金句就少了好多鹽花，但可能網友覺得冇咩中囉。
在一段感情裡，如果有這麼多的問題不能問，是不是代表這段感情本身就有問題？
其實唔止感青，就連工作上都有好多問題唔俾問。
食餐飯得3個問題，你哋幾時結婚？你哋有冇諗住結婚？唔結婚拍咩拖？CSI審犯咩？
相信呢句最中成日被女友問婚期的男人心。
相愛不在一起，不愛勉強一起。
成套戲或者最中就係呢句。
比起當年《婚前試愛》金句「十個男人九個滾，仲有一個係諗緊」Woody葉這次收儉了很多，主要集中攻女孩子市場，但不少網友覺得今次《失戀日》最好看的是綠葉，尤其金燕玲和Stephy那段母女情。比起以往只令人記得偷食、情慾場面，Woody葉今次是進步了。