【K.OTen】黃建東拍片宣傳「念力」活動 急澄清：幫學生打氣咋
撰文：林通賢
出版：更新：
K.O ten因為睇過黃建東的《PPAP》後相當欣賞，所以專誠找他幫手為moch exam再拍一條來宣傳。
K.OTen范浩揚這個名字，在學界無人不識，這位曾經的補習天王出名多話題，這幾天再成為新聞人物。事緣他被傳媒踢爆他教授「特別技巧」，在上月於九展舉辦了兩場mock exam，當學生等待改卷及評分時，竟有人上台教授學生額頭貼銀仔而不跌落地的技巧，當時K.OTen亦在台上，該報道就質疑K.OTen教學生「念力」，此外報道還指他可以訓練學生以專注力讓皮膚產生熱能與輕微電磁力，以吸附金屬，甚至可以蒙眼視物，事後K.OTen即時出聲明澄清，不過事件已經廣傳。
黃建東去年10月拍的《PPAP》在YouTube有過百萬點擊，引得K.O Ten 注意。（網上截圖）
事件令K.OTen再度被關注，而原來上月舉辦的mock exam，TVB藝人黃建東都有份幫手宣傳，還和K.OTen及另一名師 Nixon拍了條短片《PPAP九展mock版》。失驚無神捲入「念力」事件，原來黃建東事前都不知道會教「異能」！黃建東回應說：「佢冇教我念力呀，其實係老闆K.OTen睇完我條片（PPAP），約我食飯啦，就話想拍一條PPAP新版，但就用來宣傳他的mock exam，同埋要我出一次活動，其實去年12月尾的mock exam我有出現過嘅，都係做嘉賓同同學分享，幫同學打氣。我完全唔知道佢係教念力嗰啲，我都見唔到佢教念力，我同佢只係一個crossover，我只係幫學生打氣咋，所以又唔覺得被拖累，佢好多粉絲，佢啲粉絲好犀利。」
其實K.OTen一向都愛借潮流話題或當紅人物為自己造勢，以往的宣傳海報就試過扮湯告魯斯《職業特工隊》，早前就扮《奇異博士》，07年就和張敬軒合唱《放榜》為考生打氣，K.OTen 除了負責rap外，亦有份填詞。
K.OTen緊貼潮流話題，以前興《職業特工隊》就扮湯告魯斯，早前《奇異博士》大hit，他亦抽水還叫自己doctor star
上月在九展舉行的mock exam，有希格斯科研中心的職員教用銀仔貼額頭而不跌落地，當時K.OTen亦在台上，額前亦貼了一個銀仔。
07年和軒仔合唱《放榜》還一齊拍MV，難怪有這麼多粉絲。