【中華小姐】曾志偉睇好林宣妤 爆馮盈盈壓力大：睇皮膚就知
撰文：郭敏玲
出版：更新：
無綫高層杜之克與余詠珊都有到馬來西亞雲頂參與拜神。（郭敏玲攝）
曾志偉與上屆華姐冠軍朱亞琳齊齊食燒鵝髀。（郭敏玲攝）
曾志偉為主持「2017年國際中華小姐」來到馬來西亞雲頂，率先進行拜神儀式。早前曾志偉買$2,600馬仔贏了$1,600萬，成了一時佳話，他對此笑言：「個個都知我中獎㗎啦，所謂唔賭唔知時運高，我都係係咁意買下，冇特別想下次再中獎。」但他表示不會因中獎暱埋，「朋友話我咗會有好多人要問我借錢、請食飯嗰啲嘅，我又唔怕，如果咁都怕就不如唔好中啦。」志偉哥指有朋友讚他善有善報，但又不會因中獎刻意再做善事，「我平時都做唔少善事，做善事係細水長流嘅。」
曾志偉率領一班藝員，為今晚的華姐決賽舉行拜神儀式。（郭敏玲攝）
陳智燊同宋熙年兩公婆孖住工作，同樣出身華姐的宋熙年表示自己參選十周年。（郭敏玲攝）
不過，曾志偉中了獎，他的朋友怎會放過他，曾志偉幾乎日日都請人食飯：「最高峰係一日食四餐，冇停過咁滯。（最貴食咗幾錢？）都唔荒平得去邊啦，唔會就咁一杯奶茶就算數囉，佢哋鍾意嗌乜就嗌乜。」除了請食飯，志偉哥很闊綽請獎門人一眾主持去日本，「不過有啲打嚟話想去環遊世界，咁樣事小呀，有冇咁嘅時間先得㗎。」志偉哥中獎都不忘家人，他透露會與囝囝曾國祥去旅行，但就冇話要分錢畀囝囝。
至於講到華姐質素，曾志偉表示在馬來西亞舉辦選美有衝出國際的感覺，他就睇到M字頭國家的佳麗，如墨爾本、蒙特利爾及主場馬來西亞。曾志偉相當睇好5號大熱林宣妤，大讚她口才好。提到馮盈盈，曾志偉就話對方好緊張，一睇皮膚就知道：「可能有壓力，唔係好上妝。」