陳展鵬被連摑十巴 林夏薇現場嚇親:喺門口都聽到啪啪聲!

撰文:林通賢
出版:更新:
下星期情人節林夏薇將會炮製海鮮鍋給老公,而陳山聰將會享受女友為她親自下廚(林通賢攝)
早前《乘勝狙擊》鷲哥堅摑陳展鵬十巴,成為網民熱話。

食住《乘勝狙擊》的氣勢,陳山聰、林夏薇今日到蘭桂芳出席情人節活動,林夏薇表示她將會炮製海鮮鍋給老公,而陳山聰將會由女朋友煮情人節大餐,他說:「平時我就煮俾佢多,今次佢話不如由我煮啦,咁我話好,乍已煲湯都唔錯,我會好期待,之前會同一班crazy runners跑下步先。」
本週《乘勝狙擊》大結局,最近鷲哥連摑陳展鵬10巴成為熱話,林夏薇表示當日亦在場聽到鷲哥摑,她說:「嗰日我入廠準備下一場,我未見到佢哋,已經喺門口聽到啪啪聲,我聽到即刻唔敢行又唔敢郁,因為我怕影響佢哋,應該真係好痛,我喺套劇都俾大師兄(徐忠信)摑,你知佢本身係武術指導,佢留手極都好大力,我俾佢摑完塊面熱咗好耐。」而山聰表示自己在劇中都被傅嘉莉摑過,他說:「我都有場俾kelly摑兩巴,我同佢講唔好就、唔好留力,一次過,唔係take2我仲傷。」

 

陳山聰和林夏薇原來在劇中都被人摑過,他們都表示寧願被摑,好過摑人,因為好大壓力。(林通賢攝)
caption 陳自燊和太太宋煦年被問及幾時生小朋友,他們表示這幾年想專注事業。(林通賢攝)