思家大戰|肥媽豪氣兼勁有誠意 為上節目花兩個月時間訂造隊服

撰文:黃梓恒
出版:更新:

《思家大戰》昨晚一集參與遊戲的嘉賓有肥媽率領的「巨肺隊」及無綫專業配音員組成的「Dub Dub地」隊。「巨肺隊」成員有陸浩明(六號)、李麗霞(黑妹姐)、蘇姍及徐文浩(Fred)。肥媽介紹Fred時,竟大爆對方是「七號」:「六號成日話想要個細佬吖嘛,咁Fred唔介意咪做咗七號咯。七仔幾好吖,周街都係!」肥媽又在主持思捷要求下孖好姊妹黑妹姐及蘇姍大唱另類「三重唱」,期間更抵死地要求思捷「打賞」。

巨肺隊好識搞氣氛。

為了以整齊隊形撐思捷場,肥媽花了足足兩個月時間訂造隊服。雖然與思捷老友鬼鬼,但玩遊戲玩到興起的肥媽,多番向思捷「撒野」兼「撒嬌」,可惜思捷依然「冇情講」,氣得肥媽扭計揼地兼扁嘴,娛樂性十足。至於「Dub Dub地」隊,則由隊長胖虎(黃啟昌)率領隊員戴翅偉(袁淑珍)、花師奶(雷碧娜)、花輪同學(梁偉德)及多啦A夢(黃昕瑜)現身,五人難得出席綜藝節目,並大方地經典角色上身向現場及家庭觀眾問好,氣氛熱鬧。

肥媽同思捷明顯老友鬼鬼。
+3

今晚播出一集的問題相當貼題兼抵死,分別有「講一個煮嘢食好叻嘅藝人」、「打麻雀最乞人憎嘅行為」及「男人邊個身體位置最污糟」等。而每集均盡力增加記憶點的思捷,今集將大拋押韻金句,包括「答中嘅話屬於你全家,答錯嘅話彈番畀肥媽」。

「Dub Dub地」隊其實都好玩得。