【迷】網民指身材唔連戲 簡淑兒：唔好錯焦喺唔起眼嘅地方
撰文：陳奕熙
出版：更新：
簡淑兒（Jessica）計在《愛．回家之八時入席》出演Elsa後，演技備受關注，而她在無綫新劇《迷》中亦有份飾演田蕊妮的女兒倪樂兒，Jessica在戲中的角色比較任性，與曾航生演的後父鄧耀權不和。
在昨日播出的第五集中，講述曾航生和田蕊妮隨Jessica去海灘做義工，本是商人的曾航生一見到Jessica的同學家長即上前打好關係，Jessica回到家後表現不滿，更寸咀同曾航生講：「哎呀，鄧生啊，下次你都係唔好跟埋嚟喇，費事失禮我啲Friend啦，同埋呢，依啲垃圾好心你就唔好印咁多啦，環保啲啦。」,並將曾航生的卡片隨手一拋，相當有型，將俏皮反叛的18歲少女演繹得恰到好處。
Jessica的反叛演繹被網民大讚。（電視截圖）
演技備受網民肯定。（網上截圖）
不過Jessica昨晚於Facebook post上着住T-Shirt的劇照時，網民居然誤放重點，留意見到平密密實實的Jessica原來身材不錯，問起她：「上身身材好似有轉變？」，當然亦有網民大讚她的演技：「Chole最尾串鄧生好型，鄧生好扺屎。」、「淑兒昨晚見到演出，覺得越來好，出鏡多左，繼續加油！」
Jessica亦有放相上網宣傳，不過網民似乎錯焦喎。（Facebook圖片）
Jessica對於演技大獲好評感到開心，又話今次劇集的題材特別：「劇情越落會越緊湊，係估唔到，每個角色由第一集到最尾都有變化，我覺得係幾好睇幾吸引。」聽聞Jessica最後更會慘死，大家睇劇就不要只關注她的身材喇，她亦笑言其實大家以為她身材很好，或者突然有「轉變」只是角度問題：「大家諗多咗，我都慢慢習慣，網上好多唔同人會講吓笑、玩吓，冇得太過在意，即係佢哋有睇到套戲，總好過冇睇到嘅，當然Focus返套劇會好啲啦。」她又表示自己身材一向不是焦點：「有更加好嘅焦點，唔好落錯喺係唔起眼嘅地方。」
其實Jessica身材不嬲都唔錯。（Instagram圖片）
不過還是希望大家不要錯焦呢。（Instagram圖片）
Jessica最近正拍攝新劇，好期待啊！（Instagram圖片）