港姐2022｜林作現身港姐面試踩場 唔驚TVB律師信：我係反映民意
撰文：邱愛霖
出版：更新：
《香港小姐2022》今日舉行首輪面試，過百位佳麗現身港鐵康城站，正當傳媒忙於追訪面試佳麗，「世界級抽水王」林作突然現身踩場，即時成為傳媒焦點。雖然最近林作被TVB發出律師信警告，不過似乎對林作起不到阻嚇作用，他更在場大方接受傳媒訪問，他說：「今日我嚟點評下，今年嘅質素如何？（驚唔驚講錯嘢？已經收咗律師信）今屆還今屆，往屆還往屆，今日嚟望下啫，當我係記者都得喇，我哋一齊嚟望下，（咁你而家決定同無綫打唔打官司？）睇埋今日先，（睇埋今日港姐嘅質素先？）梗係啦，大佬，望完今日，睇過今日就可以去喇，我都係反映民意，（你驚唔驚收到TVB律師信？）你意思係我描述得準唔準確？我而家要諗下，我要諗下我嗰番說話係咪準確，我會研究下嘅。（好多網友剥花生?）網友好多表達支持，希望唔好令佢哋失望，因為我哋都係反映民意。」
點擊睇今年面試港姐質素:
+7