【英超】阿仙奴主場挫愛華頓錄5連勝　拿卡錫迪奧巴美揚各入一球

周日英超尾場，阿仙奴主場迎戰愛華頓，拿卡錫迪下半場射入靚波破僵局後，奧巴美揚在疑似越位下射入第二球，兵工廠結果淨勝2：0，連同歐霸盃賽事計算，已經累積5連勝。

阿仙奴挾周中歐霸盃大勝強勢，主場迎戰愛華頓，攻勢不少；另一邊廂，作客的愛華頓亦有李察利臣與倒戈的禾確特製造威脅。

38分鐘，禾確特突破越位陷阱後單刀面對施治，幸好後者出迎及時封走皮球。完半場雙方互無紀錄，踢成0：0平手。

拿卡錫迪靚波開紀錄

易邊後，比賽仍處膠着狀態──直至拿卡錫迪56分鐘接應艾朗藍斯傳送後起腳，皮球中內柱入網，終於打破僵局。

阿仙奴入波後得勢不饒人，繼續向愛華頓施壓。58分鐘，奧巴美揚頭槌頂中莊祖堅尼身體後改變方向彈走，身處禁區內的莊祖堅尼手部當時明顯與皮球有接觸，但球證未有示意。

1分鐘後，奧斯爾傳予藍斯，藍斯二傳予有越位嫌疑的奧巴美揚，後者輕鬆射成2：0，旁證未有示意，球證判入球有效。

勝劵在握，阿仙奴陸續作出換人調動，之後未能再找到破網機會，而愛華頓亦破蛋乏力，最終維持2：0完場，阿仙奴英超及歐霸賽事合計累積5連勝。