財爺陳茂波平時日理萬機，今日趁著書展最後一日，他就親臨與一眾青年人逛一逛。陳茂波透露，原來自己上次行書展，已經是前年，而平日一本正經嘅財爺，就自爆喜歡工餘時間揭下書，發下白日夢，不過，原來財爺平日最愛嘅消閒書，竟然是這一種⋯⋯

陳茂波今日（24日）出席一個書展活動時，有青年向陳茂波推薦一本名人語錄，財爺就憶述兒時喜歡看日曆上的諺語，不知是否成人後公務繁忙，陳茂波笑言「可能有啲潛移默化咗，有咩諺語依家一句都唸唔起。」

陳茂波又自爆，平日自己最喜歡讀「宋詞」類的書籍，他說，「讀書嗰陣已經鍾意詩詞，平日由於工作關係，都係睇工具書多，有時想輕鬆下，發下夢，就會拎起啲宋詞睇下。」他指，很多宋詞背後都有故事，有些是兒女情長，蘇東坡的詞則較為豁達，能讓他抽離現實世界的忙碌。

期間，又有青年向陳茂波推薦烹飪書，他就笑言自己最叻係「阿茂整餅」，又回憶有一次女兒烹煮一道帶子沙律給他吃，讓他頗為印象深刻。他又說，如果有機會會煮家鄉菜潮州芋泥給家人吃，他說，「呢味餸好花心機，要整到佢唔好太甜，但要夠滑，好高難度。」

另邊廂，警務處處長盧偉聰早前出席書展活動時，亦有與青年大談閱讀心得，自言讀書的時候會看歷史書和武俠小說，又鼓勵年輕人多閱讀歷史書，例如三國演義，認識中國歷史等。不過就被演員杜汶澤在Facebook發帖笑指，「原來三國演義是歷史書」，似乎暗指盧偉聰的中文程度。