【年宵2019】全港年宵地圖！港九新界15個年宵市集逐個睇！
撰文：唐家儀
出版：更新：
臨近農曆新年，年宵夜市於1月30-2月4日舉行。不只維園、花墟此兩個大型年宵當旺，各區都有特色年宵，食物環境衛生署公布全港15個年宵擺位地址，讓你大年初一前趁墟嘆美食、買精品迎豬年！
15個年宵地點 最大型港島維園市集
食環署管理場地下的年宵市集，今年有15個，港島區有最大型的維園年宵，有3個快餐檔；九龍區有旺角花墟，快餐中心有4個，美食方面多過維園。即刻睇有邊15個地方有得行年宵夜市！
接圖睇2019年宵地圖！
去年維園年宵有康師傅坐鎮，即場示範煮一口霜降和牛，每份$40。牛肉以新疆香料及岩鹽調味，油脂均勻，色香味俱全。(資料圖片)
+10
2019年維園年宵實況 大賣豬年食字精品和美食
每年都人頭湧湧的維園年宵，於1月30日-2月4日舉行，適逢豬年，有不少擺位以「豬」為主打，大賣賀年精品。當中有284個乾貨攤位、3個快餐檔和180個濕貨攤位。
美食攤位主要有3個，於市集的頭、尾位置。美食款式較去年多，不限於燒賣、魚蛋等基本街頭小食，有蟹膏玉子燒、蟹棒等，價錢由$25起，以這類大型年宵來說，價位可接受。
地址：銅鑼灣興發街1號維多利亞公園
按圖睇維園年宵2019有咩食！
每年都人頭湧湧的維園年宵，於1月30日-2月4日舉行，適逢豬年，有不少擺位以「豬」為主打，大賣賀年精品。當中有284個乾貨攤位、3個快餐檔和180個濕貨攤位。
+4
2019年旺角花墟年宵實況 松露鮑魚撈豪食街頭小食
繼維園之後，旺角花墟公園大概是第二熱鬧的年宵市場。今年場內設184個攤位，並由外到內，分為熟食區、乾貨區、濕貨區三個區域。
最接近入口的熟食區設有4個熟食攤位，除大家見慣見熟的維他奶、可口可樂檔口外，另有鮑魚食物主題店，以及台式小食攤位，部分食檔亦提供清洗餐具，市民可以將餐具放在旁邊的藍色回收箱。
地址：九龍又一村界限街71號
按圖睇旺角花墟年宵「熟食區」有咩食！
一進場便是熟食區，維他奶LOGO最搶眼。記者到場時，人流並不是太多，但相信六日就會變得熱鬧。
+5
2019年荃灣年宵實況 街坊市集多賀年小食
位於荃灣沙咀道的年宵市集，花檔較多，小食檔主要是賀年小食、糕點等，模式較小，較多一家大細來逛，做街坊生意為主。
地址：荃灣沙咀道遊樂場
按圖睇2019年荃灣年宵實況！
下晝時份到場，不算太多人，不過都有人氣，以街坊年宵來說，空間算大和舒服。
+3