掌握專業技能，既係投身心儀行業嘅基礎，亦可以成為走上國際舞台嘅入場券。被譽為「技能界奧林匹克」嘅世界技能大賽，正正係全球年輕選手展示實力、切磋較量同交流經驗嘅珍貴平台。由本地課堂到國際賽場，VPET職業專才教育(職專教育)一直着重應用同實踐，透過系統性課程同實務操作，協助學生逐步掌握未來所需嘅專業技能，為升學同就業打好基礎。

全球技能精英雲集上海

第48屆世界技能大賽於2026年9月22日至27日喺上海舉行，預計吸引來自約70個國家及地區、接近1,400名參賽者，共同競逐64個技能項目嘅殊榮。

比賽項目涵蓋六大技能範疇，包括制造與工程技術(製造及工程科技)、信息與通信技術(資訊及傳訊科技)、結構與建築技術(建造工程科技)、物流與運輸(運輸及物流)、創意藝術與時尚(創意藝術及時裝)，以及社會與個人服務(個人及社會服務)。本屆新增軌道車輛技術、軟件測試等7個項目，反映賽事與時並進，緊貼現代產業對專業技能嘅需求。

積極備戰　與國際同儕交流

今屆中國香港代表隊將派出41名選手出戰37個技能項目。呢班選手喺2025年世界技能大賽香港代表選拔賽中表現優異，再經過進一步培訓同遴選後入選代表隊。喺專家同院校嘅支援下，佢哋一直積極備戰、反覆練習同修正細節，力求以最佳狀態迎接賽事。

為咗累積實戰經驗，17名香港代表隊選手喺今年6月下旬遠赴澳洲參與2026 Global Skills Challenge，與各地好手交流切磋，最終取得1金、2銅及1個優異獎章，為9月嘅賽事打下強心針！

香港參賽近三十載　累積多項驕人成績

香港自1997年首次派出代表參加世界技能大賽，至今已累積4金、2銀、7銅及81個優異獎章。其中，香港代表隊喺上屆法國里昂世界技能大賽更創下歷來最佳成績，成功喺商品展示技術(櫥窗設計)項目奪金、糖藝/西點製作(西點製作)摘銀，並喺飛機維修同雲計算(雲端運算)項目各贏得一面銅牌，同時勇奪10個優異獎章。

呢啲驕人成績，證明本地年輕技能精英喺不同專業領域都可以揚威國際，亦充分反映香港職專教育多年來持續培育人才嘅成果。未來，我哋期待更多青年投身職專之路，喺更廣闊嘅世界舞台上發光發亮。

職長UNLOCK：掌握「職」業資訊　發揮個人專「長」

職專教育一直以技能為本，著重職業導向嘅實戰學習，鼓勵學生按個人興趣及早解鎖專業知識，為未來職涯作好準備。

我哋將會推出專訪系列，邀請四位中國香港代表隊選手親身分享佢哋由修讀職專課程，到一步步踏上國際舞台嘅心路歷程，見證呢班年輕技能精英如何解鎖潛能、發揮所長！

想發掘更多升學同行業資訊，歡迎瀏覽職專教育網頁，搜尋心儀課程、了解資歷架構同埋各行各業嘅發展前景；亦可追蹤官方Facebook及Instagram專頁，緊貼最新嘅行業動態。

期待一眾香港年輕技能精英喺國際賽場上盡情發揮所長，突破自我，取得佳績，為港爭光！

（資料及相片由客戶提供）