【走塑潮物】鋼飲管熱賣　環保少女：用得少更不環保

近年香港環保意識抬頭，「自備購物袋」、「自攜餐具」等已經成為部分人的習慣，更有不少人到各大餐廳嘗試「走塑」，其中鋼飲管更成為近期熱爆的「走塑潮物」，吸引不少人購買。社會學系三年級生郭怡欣（Emily）一直被同學視為「環保小先鋒」，她稱環保商品要多用才算環保，如用的次數不多，最終反而浪費。她以鋼飲管為例，因明白自己未必會經常使用，故選擇不用飲管，或按情況偶爾使用一兩次膠飲管，會比購買鋼飲管更環保。

相關報道：【千人宴後】發起十人清理逾千膠樽　中大女生：看不過眼玩完就算

郭怡欣表示，應考中學文憑試（DSE）後開始留意環保議題，「一個膠樽都長命過自己，覺得呢件事真係好接受唔到……想像自己子子孫孫都會見到個膠樽完好無缺，就決定唔再用膠樽」。郭怡欣進入大學後更身體力行，由自己出發「源頭減廢」，日常注重環保，又加入校內的環保組織「免廢讀中大」。

近年環保成為潮流，走塑概念興起，吸引很多人「跟風」，視環保為品味和情操，環保旗幟下商機處處，不少產品打着環保旗號推出巿場，不少人會購買，以示支持環保。郭怡欣坦言潮流對環保一定有影響，但她強調環保產品亦有生產成本，且較即棄用品更高，故要用夠一次定數才算「真環保」，如遺失或只買不用，反而造成浪費。

而近期大熱的鋼飲管，郭怡欣並沒有購買，「因為唔係成日會用，如果用太少次，係抵消唔到用膠飲管嘅害處」。郭怡欣指製造鋼飲管所使用的資源及能源較膠飲管高，「用唔到咁多次已經唔見咗或者唔扔咗，就寧願一次半次用膠（飲管），或者直接走飲管」。

郭怡欣認為香港的環保指數正在提升，假設10分是滿分，她認為環保圈外的香港人環保意識有1、2分，「可能好多人會覺得（環保）好煩，但係普遍大學生都可能有5分」。被問走勢是否樂觀，郭怡欣嘆了一口氣，稱相信分數應不會走下坡，但可能只停留在現有階段，亦怕有人聽得太多關環保資訊，對環保感到反感。

長時間的堅持亦有累的時候，郭怡欣坦言「其實我都會偷懶嘅，好多時候飲紙包飲品時，就會有人話『你唔係環保嘅咩，飲紙包飲品』，跟住我就會話『比我唞一次啦！』。」每個人都有自己的選擇，如果有朋友將可回收的東西放進垃圾桶，郭怡欣不會責怪對方，反而覺得自己可能做得不夠。「好環保都好驚一樣嘢，就係令到人哋討厭嘅話，就更加唔會環保」。

在環保路上，郭怡欣稱最不開心是只有自己在做回收，無人幫手，或是有人經過只說「加油」。郭怡欣說「一句口頭上嘅支持，適當嘅時候係窩心嘅，但係得我自己一個行動，就會覺得『希望你都一齊過嚟幫手啦』」。郭怡欣指其他關注環保人士亦有類似的想法，認為巿民除了說出口，更重要是「幫下手」。