食客去錯FB投訴三哥　死撐「都係譚仔喎」　小編神回被讚傑出公關

「大家都是譚仔，不用分得那麼細？」近日有食客在facebook專頁「譚仔雲南米線」（下稱譚仔）連貼多個留言，投訴員工態度差，但在fb管理員一再查問下發現，該名食客投訴的是「譚仔三哥」（下稱三哥）。雖然找錯對象，但食客仍然堅持「你哋都（係）譚仔喎！唔理得你咁多」，結果引來大量網民「強帖留名」，並留言揶揄樓主，又大讚管理員是「傑出公關」，EQ高耐心應對奇怪投訴。
日本烏冬連鎖店「丸龜製麵」母公司Toridoll去年5月以10億元收購「譚仔」後，年底再收購「三哥」，雖然兩間本已分家的米線店再次成為「一家人」，但營運管理仍然分開，包括兩個不同的facebook專頁。

月前一名食客將投訴文連番轉貼至譚仔fb專頁，主要是投訴職員態度惡劣，又指店內明明有八達通機和信用卡機，但卻只讓客人用現金，更指食物質素每況愈下，「難食過屎」，其後她在留言批評「宜家啲服務性行業係咁，比（畀）少少錢呢，就好似欠咗佢咁」。

對於食客莫名其妙的投訴，fb管理員不斷強調「土瓜灣道我們沒有分店」，又指譚仔全線都沒有裝設八達通和信用卡機，但對方卻貼出openrice的餐廳簡介，顯示在土瓜灣有間譚仔三哥米線，「請問編輯呢間係咩嚟嫁？哦呢間野假嘅？」管理員唯有回覆「請問你見唔見你個張相上邊有『乜哥』兩個大字？間嘢假唔假小編唔知，不過唔係我哋管理嘅。其實由第一次已經講咗啦，我哋係『譚仔雲南米線』，唔係阿『乜哥』」。

網民爆笑留言合集：

雖然傻傻分不清兩間米線店，食客竟表示「但係你地都（係）譚仔喎，唔理得你咁多」，此句留言一出引來大量網民吃着花生跟進事件。網民舉出多個例子「解釋」給樓主知道，即使名字差不多，都是兩間不同公司，如「阿姐你會唔會去周六褔買完嘢去周大褔退貨？」「即係食翠華唔滿意要去翠華船務投訴？」「下次試下去大家樂食嘢走去投訴大家食！」還有人「曲線」問是否要投訴藝人苗僑偉，「因為都係叫三哥」。

有不少網民就留言大讚fb管理員EQ高，很耐心解答客人兩者的不同；不過另有人表示，可能是兩間米線已在去年底被同一間公司收購，或者投訴人誤會了是同一間。

雖然大家都有「譚仔」和「米線」二字，店鋪裝潢亦有些相似，都以黃綠色為主，但譚仔的商標只有紅底黃字寫着「譚仔」，而三哥則有卡通化的三哥公仔，以及紅底白字寫着「三哥」，讓客人更易分辨；另外米線碗亦有分別，譚仔用黃色碗，三哥則是黑色；還有姐姐制服，譚仔的是黑色，三哥則是紅色。