連登仔由機場搭紅的返東涌　遇司機勁面黑圖拒載　網民有彈有撐

旅行後深夜返港，拿着又大又重的多箱行李，不少人會選擇的士直達住處樓下，但司機能否接到「大旗」（長途客）則要看彩數。今日凌晨（17日）網民在連登討論區分享經歷，指深夜於機場搭乘「紅的」去東涌，惟司機卻怨言不斷，指「呢個鐘數入咗東涌就出唔返九龍」，圖逼樓主下車。樓主堅拒就範，最後要待職員過來調停後司機才肯開車，令樓主直言「機場的士站係拒載司機嘅剋星」，諷刺他們「又想賺多啲又想拒載，咁點得架」。
帖文掀起網民罵戰。有人留言支持樓主，狠批涉事司機無職業操守；但同時亦有人認為應將心比心，司機「畀咗幾舊水租車，然後用個幾兩個鐘等客」，結果卻是由機場去東涌的短途客，黑面實屬人之常情。正反兩方觀點不同，令討論升溫。

家住東涌的連登仔以「機場的士個安排真係德政」為題發文，表示自己在機場因行李太多不便乘搭巴士，故決定以的士代步直達樓下。他曾到大嶼山的士站，惟不見一架「藍的」，只見長長人龍排隊等候。

此時，樓主看到有指示牌寫着「紅的」（市區的士）都可乘搭去東涌，遂馬上截車，並放好行李後登的士。惟當他上車向司機表示自己要到東涌後，司機卻開始「黑面」，更不斷向樓主抱怨，「去東涌就搭大嶼山的士啦」、「呢個鐘數入咗東涌就出唔返九龍」。樓主堅拒落車，附近職員見司機遲遲未開車便過來了解情況。

職員再問一次樓主目的地後，便印了一張紙條給司機，據樓主所述，紙條上印有的士車牌、目的地、大約收費及投訴電話，用作以防司機欺壓乘客。樓主形容司機收到紙條後唯有「紅都面晒死死氣咁開車」，車速更「開得快到拓海咁」，不消一會便抵達屋企樓下，令樓主大讚機場的士站作用明顯，「喺拒載司機嘅剋星」。

帖文引起熱議，不少留言狠批涉事司機無職業操守，認為他「排得隊預咗有短途客」。惟亦有網民卻對司機表示同情，「等幾粒鐘咁樣，時間都蝕埋」，批評樓主「恃住有嗰幾十蚊做咁大爺咁」，不懂將心比己，反問他「比着係你，等咗個幾鐘，最後收得24蚊跳多兩下，心裡都唔爽啦」，更指司機「黑面」實屬人之常情，「明明夜晚（等）15分鐘，有客可以做到成舊水生意，等咗一個鐘換個45蚊客，因為咁樣而唔高興我覺得都好正常」。

但有關留言引來不少負評，樓主更回覆指：「邊忽見到我做大爺？」又反問「有需要都唔搭得的士？住東涌就唔畀搭的士？我搭架車仲要幫你諗埋賺唔賺先上車？」有網民對此大表支持，認為「做得呢行就要畀相應嘅服務我」、「明明白紙黑字寫明紅的可以出東涌，你咁唔想接東涌單咪唔好做機場客」。有人直言的士司機需自己承擔風險，並非每次都能接到「心水客」，戲稱「打工夠想包唔駛做又唔畀人炒啦」、「你返工係咪覺得痛苦就唔撈咁霸氣」。

（連登討論區）