咳嗽病人坐的士排急症 不知加價180元嫌貴 等3小時竟要求退錢

撰文:李納德
出版:更新:

急症室長期爆滿,除因為公院人手不足,多人濫用公營醫療服務亦是原因之一。即使急症室服務加價,但仍有市民事無大小都湧去「排隊」,有前線職員在網上大呻,有病人因為咳嗽坐的士看急症,不願去看私家醫生,院方已表明要等6小時以上,但他過了2、3小時已走到櫃檯一大吵大鬧,還要求「退錢」,令他「白眼翻到天花板」,大嘆政府寧將公帑花到「兵敗嶼山島」(明日大嶼)」上,都不願投放多點資源在公營服務上。

有網民分享應付急症病人的經歷,大嘆太多人濫用服務。(fb專頁「西客之道 Hlspitality Secret」截圖)

下載「香港01」App ,即睇城中熱話:https://hk01.app.link/l7U1Y7t5LO

早前有網民在facebook專頁「西客之道 Hlspitality Secret」發帖,分享與麻煩病人「交手」的情況。樓主相信是急症室櫃檯職員,指有一天遇到一名因咳嗽來掛號輪候急診服務的病人,樓主見當日大堂最少都有約40、50人,於是提醒對方見醫生可能要等6小時以上,豈料這名病人先來一個「下馬威」,說:「6個鐘?望落都唔多人,你呃鬼呀!」樓主即無奈地想,大堂其實內部分人都是濫用緊急服務的人,「真真正正一大堆係入面要做急救嘅就實係要放係大堂比你睇啦」。

樓主於是解釋,當天有很多經救護車入院個案,建議病人找附近的私家醫生,結果對方離奇發火,中氣十足地說「你緊係想趕我走啦, 我特登搭的士過嚟仲要我去睇私家咁貴,我好辛苦,咳咗兩星期啦」。樓主內心立即計數,現時私家醫生和急症收費「都係差50幾蚊」,病人竟花錢乘的士都不願看私家,又心想「如果要優先……你係都比返兩聲咳嚟聽下啦好嗎?咳都嚟急症」。

不少市民於急症室輪侯。(蔡正邦攝)

擾攘一輪後,病人付錢時竟說不知道急症室收費多年前已加價至180元,大罵「唔係100蚊㗎咩,咁鬼貴㗎」。在2、3個小時後,這名病人又「嬲爆爆」走來嫌等太久,由於他的個案為「非緊急」類別,樓主再次解釋他最少輪候4至6小時,此時病人卻「失憶」道:「6個鐘?頭先又唔X講?我好唔舒服喎」,甚至要求退錢。樓主馬上指一下櫃檯前的不退款告示,病人又撒賴大罵「啲字咁X細隻點睇啊?晒X晒我啲時間」。

被百般辱罵的樓主感嘆,急症室本來就不夠醫生,斥政府寧將公帑花在「大白象工程」和大嶼山發展計劃上,仍然不願增撥資源到不停被濫用的公營緊急醫療服務。

帖文立即引來其他網民感嘆,稱人們「永遠覺得自己最緊急」,又怒斥該名病人只因咳嗽而看急症,有網民更憶述,自己小時候凌晨發高燒入院,等到退燒還未見到醫生,「正因中間勁多白車Case入嚟,班醫生都做到冇停手」。

(facebook專頁「西客之道 HIspitality」)