今日有網民在社交媒體發帖文，附上一個Instagram連結，留言道「個妹妹好似要人幫手 有冇人識佢」，但該連結卻已失效，未能看到當中內容。不過，有網民早已「留底」，可見有兩條短片及數張截圖，其中一條片段拍攝角度疑似是偷拍，顯示一名女童被相信是其父親用粗口指罵，直指她「讀屎片啦你!」；另一條片則是女童躲在房間中，拍片疑向網民求救，期間卻被一名女士大力拍門，將女童嚇至失色哭泣。

據了解，該名女童就讀於黃大仙區一間學校；事發後女童入院檢查。《香港01》正就事件向校方及警方了解情況。

男子大罵：一個讀幼稚園嘅細路仔都叻過你呀!

其中，疑似女童第一身視覺偷拍的片段可見，一名男子向著鏡頭方向大罵：「你啱嘅？我錯？係咪我錯呀而家？啊？我錯呀嘛！ 你知唔知咩叫啱、咩叫錯呀？咩叫啱邊個錯你識唔識呀？ 」

該男子大喝：「一個讀幼稚園嘅細路仔都叻過你呀!」期間，一名女士手持一把梳走近鏡頭，說了一句話但未能清楚內容。男子繼續重覆：「你覺得自己好啱呀?讀幼稚園嘅細路仔都叻過你。」此時鏡頭指向大廳，拍攝到男子正面。

好聲好氣同你講，發我脾氣？叫你起身返學係唔啱㗎?係錯㗎?X你老X真係，讀屎片啦你!

男子繼續咆哮：「同你...呢啲人又唔教喇，同你個衰老母一樣呀!」此時，他說了一句「X家剷呀真係!」，突然情緒高漲用手拍枱：「我每一次搵嘅錢返嚟都係有血有汗，我唔係跌落嚟、我唔係執返嚟!」、「好聲好氣同你講，發我脾氣？叫你起身返學係唔啱㗎?係錯㗎?X你老X真係，讀屎片啦你!」此時，男子起身離開，畫面未能拍攝到，片段亦結束。

女童躲房間求救：大家，我需要你哋幫手

另一條片則是女童自行求救：「大家，我需要你哋幫手，我屋企人開始癲，我今日只不過一返到嚟，補習社……」女童說話未完，突然就聽到其身後傳來幾下大力拍門的「嘭嘭」聲，可聽到一名女士大叫「你...完未…嘈…瞓覺呀，聽日返工呀!」女童被巨響嚇到面容失色，即時哭起來，片段亦隨之結束。

網民震驚：嘩，連個地下都震埋

有網民閱畢片段，第一個反應是「嘩，連個地下都震埋」、「我俾佢阿媽嚇親」，亦有人冷靜思考：「淨係睇片暫時判斷唔到邊個做錯，不過佢阿媽太暴力」。雖然片段中未見有人肢體動武，但言語羞辱、拍枱及大力拍門威嚇均屬於精神與心理層面之家庭暴力範疇，引發網民強烈呼籲報警求助。

鄰居認出女童　急趕往學校通知情況

而拍片放上網似乎有成效，有網民看完片後直言「我係鄰居，認得個女仔，啱啱已立即email咗去學校，仲有咩可以做到？」及後，該網民更坐言起行：「人在學校附近，直接撳咗門鐘入校查詢。職員表示知悉事件，亦請咗負責老師出嚟，老師話學校已知悉以上幾段片及已處理，但詳情係點處理因我並唔係家屬所以無再問。」同時附上一張學校外牆的圖片，但拍攝不到學校名。

女童疑赴醫院檢查

另有網民張貼一張相信是女童已刪的IG留言，有人以英文留言問她為何要入醫院，她就答覆因與家人發生衝突（i got into a fight with my fam），故到醫院檢查有無內傷。

公眾若察覺身邊兒童疑似處於危險環境或懷疑遭受虐待，可隨時聯絡社會福利署熱線服務（2343 2255）或防止虐待兒童會專線（2755 1122）尋求諮詢；如遇緊急暴力威脅，應立即致電999報警。情緒受困擾之青少年亦可善用東華三院芷若園（18281）或香港青年協會「關心一線」（2777 8899）等危機支援服務。