黃凱芹想唱紅館冇得唱 前輩呂珊：一年前申請都未必得
撰文：黃浩晉
出版：更新：
事後該專頁已關閉。
資深歌手黃凱芹早前因為「而我不知道黃凱芹是誰事件」（傳送門）再次備受關注，黃凱芹更於微博連出12個post回應事件，又聯想到以往自己被「欺凌」的事件，稱事件背後有人策劃。而黃凱芹執着於一張2015年攝於機艙內的舊照片，指報道炒作，但報道只引述當時貼出事件facebook專頁的截圖；而且報道中有為黃凱芹澄清facebook專頁所用的照片是取自他微博15年的舊照片。黃凱芹又在微博貼出一條名為「如何謀殺我最討厭的香港歌手黃凱芹101」的影片，片末不忘提到自己推出新專輯。
黃凱芹為宣傳新專輯不遺餘力。
除了連珠爆發回應「冇人識」事件，及宣傳新碟外，黃凱芹日前出post回應自己未能申請紅館開騷，更表示自己是「申請紅館22次被拒」，除了更正入紙數字外，又指自己大方「都沒有怒斥咩準則」，當然文尾不忘宣傳自己新碟。
黃凱芹微博連出12個post回應「而我不知道」事件，按圖重溫。
+7
資深歌手呂珊回應申請紅館開騷時表示：「其實都係經理人幫手申請，我就負責唱。不過我知道要早一年入紙申請，如果入紙成功，喺正式開騷嘅日子前兩個月，紅館方面就聯絡俾幾個日子我哋揀。」
珊姐又講到要喺紅館開得成騷要「啱晒timing」：「經理人公司多數入紙會一次過揀幾個月份，不過就算紅館畀檔期你揀，如果撞正10月1日呢啲就緊係會推啦，所以真係要啱晒timing先得！」
前輩歌手呂珊表示，要在紅館開騷要「啱晒timing」。
另外，珊姐又提到自己喺另一個大型場地—文化中心開騷，不過都唔係咁易：「我自己都喺文化中心開過幾次騷，但係用流行曲去入紙好難，有時都要『執死雞』，好似有人一次過book十場，但係佢放番幾場出嚟先可以開到。」
黃凱芹近來極力宣傳新碟，日前又推出新歌teaser，大家又想唔想喺紅館聽佢唱歌？
黃凱芹新專輯走中國風。
專輯封面配合其「詩人」形象。