【一首歌】羅嘉良經典《仍然在痛》 「同躺於一天空卻各走各路」

撰文:黃浩晉
出版:更新:

無綫依家每晚都重播經典劇,早前播完《妙手仁心》,依家就播《天地豪情》,大家又可以重溫羅嘉良、張家輝、陳錦鴻、郭藹明、蔡少芬、黃日華等等好戲之人嘅演出喇!話時話,「撈家」羅嘉良唔單止演戲好睇,唱歌都有一手,好多經典劇集主題曲佢都有份唱。例如:《天地豪情》的《仍然在痛》、《創世紀》的《准我留下》、《創世紀II》的《天地有情》、《難兄難弟》的同名主題曲、《先生貴姓》的《對你我永不放棄》等等,好歌數之不絕。

雖然羅嘉良有吸煙的習慣,早前拍攝《與諜同謀》時被影過一休息便煙不離手,仲好似影響到李佳芯。其實羅嘉良仲保持到聲線磁性真係唔容易,不過點都好,為自己或者他人健康着想,都係戒煙啦!