【專訪】Shine反擊鍵盤戰士 天佑：叫佢聽下我哋啲歌先啦！
Shine出道15周年，唱紅過多首代表住8、90後青春回憶的歌曲，明年3月2、3日將會舉行紅館演唱會，天佑與又南希望藉這次機會與樂迷分享入行以來的點滴及一些重要時刻，所以定名為《Moment》。
其實Shine從來沒宣佈過要拆夥，但近年天佑與又南專注各自的工作，難怪聽眾會誤解。不過自12年黃偉文作品再唱《燕尾蝶》開始，樂迷將Shine視作「集體回憶」，又南話：「香港接受事物好快，忘記亦都好快，但香港始終係我哋嘅根，我哋點都要話番俾人哋聽。就算好多人話依家市道唔好，但係我哋都仍然堅持，音樂其實一個cycle，係會返番嚟㗎。」天佑亦表示認為回憶不會消失，無論甚麼事情一切也是緣份。
唔知大家對Shine嘅印象係點呢？(陳順禎攝)
Shine是大部份人的集體回憶，不過網民對他們的評價不一，到底天佑與又南會如何回應網上的Mean Comment？
天佑：咁就努力啲啦，冇得話最好嘅
又南：係啦，努力
又南：真係上咗神檯就好嘢喇
天佑：其實紅唔紅係幻覺嚟㗎咋
天佑：叫佢聽下先啦！哈哈！
又南：係咩？叫佢聽下先啦
天佑：MV版都OK㗎
又南：我諗要睇多啲我哋嘅show喇
天佑：乜你叫浩南咩？哈哈！
又南：MK呢啲嘢見人見智啦，MK都幾生活化吖，哈哈！
天佑：其實有啲歌都係我哋自己寫嘅，我哋會繼續努力嘅
又南：我哋有歌都叫《俗》吖，其實佢係讚美緊我哋喎，哈哈！到時嚟睇我哋個show睇下我哋有咩轉變啦！
又南：就好似之前講紅唔紅一樣，都冇咩關係，最緊要係享個過程
天佑：我哋有首歌叫《祖與占》都係想講呢樣嘢，其實大家都係正常人，唔係要做啲咩特別嘢
面對網民的意見，天佑與又南表示會繼續努力，並叫大家期待他們開騷時的轉變。被問到入行至今15年，會否已睇化某些事情？Shine表示：「用『睇化』太負面，其實依家越嚟越知道自己嘅方向，雖然年紀一路大，但會保持番以前輕鬆嘅嗰種心態。同時感激一直支持的樂迷，而且會更珍惜身邊嘅事物、工作、鼓勵自己嘅人。」