【堅.詞】周耀輝盼作品能予聽眾力量:思考如何好好地活下去

撰文:黃浩晉
出版:更新:

「如果有個監製話『我想要隻大紅嘅歌』,我會話『其實你係咪要搵我呢?』」
這番話竟出自被譽為「香港三大詞神」之一的周耀輝口中,相信不少讀者也嘖嘖稱奇。比起寫出大紅大紫的作品,周耀輝更希望自己的作品是「時代曲」,讓身處同一個時代的人,無視階級、身份的差異,也會覺得「呢個時代我都有份」。
攝影:龔嘉盛

我反問唔係要寸人,只係唔想勉強

周耀輝希望寫出時代曲,而非「爆紅」詞作,原因很簡單,不想負起承受不了的壓力,以及不想辜負對方。他坦白說:「我反問唔係要寸人,而係第一,我唔想揹一個自己承受唔到嘅壓力,我唔想勉強自己做一啲自己唔叻做嘅嘢;第二,我唔想辜負人哋嘅期望,假如呢隻歌真係要達到某啲功能嘅話,不如搵一啲最叻做呢樣嘢嘅人去做。」

「如果有個監製話『我想要隻大紅嘅歌』,我會話『其實你係咪要搵我呢?』」周耀輝希望寫出時代曲,讓聽眾反思如何更好地活下去。

填詞的野心:想令大家反思如何活得更好

關於寫出「時代曲」,周耀輝不單止想寫出反映時代的作品,在這之上,感受過這個時代的壞,他希望透過文字、音樂讓聽眾得以喘息:「可能就係純粹嗰隻歌幾分鐘嘅開心、愉悅,或者聽眾喺呢幾分鐘入面,聽到啲小道理、小力量,可以幫佢行落去,因為日常生活已經係一個好重要嘅抗爭陣地。」每天也要面對種種不公、不如意,但其實我們也以好好地生活下去,這也是周耀輝希望聽眾能領會到。

周耀輝希望透過文字、音樂讓聽眾得以喘息:「可能就係純粹嗰隻歌幾分鐘嘅開心、愉悅,或者聽眾喺呢幾分鐘入面,聽到啲小道理、小力量,可以幫佢行落去。」

每日也在抗爭 由朝數到晚,有幾多分鐘係你自主地過?

「你諗下由朝數到晚,有幾多分鐘係你自主過?如果你從呢個角度去睇嘅話,你就知道你其實擁有好少嘅自主,好少嘅自由。」周耀輝一語道破當代人的生活日常,他更諷刺說要寫出最強的時代曲,就是告訴大家「我哋係冇得揀㗎」,這當然是反話。他引《模特》的歌詞去說明,告訴大眾選擇權是在自己手中,即使「離經叛道」的路相對困難,但這個世界正正需要像他一樣的人。

「如果你睇完呢個訪問,覺得耀輝你頭先講嘅嘢都係喎,點樣去過我嘅生命呢?或者發現都唔係好鍾意做呢份工咋喎,想搵一份新嘅工喎!呢個已經係你嘅抗爭」如何過你的人生,選擇權掌握在你手中。