【眼紅館】BOYZ紅館騷擱置 張致恆失蹤關智斌含淚:我等咗十幾年

撰文:彭嘉彬
出版:更新:

男子組合BOYZ原訂今年9月14日舉行首個紅館演唱會,不過日前成員Steven張致恆宣佈與歌迷雯雯的婚訊,原來Steven與雯雯已育有一子,更被爆出「一腳踏幾船」的內情,英皇娛樂高層霍汶希今日宣布擱置BOYZ的演唱會。

現身處於泰國布吉的Kenny關智斌,在今天(26/7)晚上透過Facebook專頁「冤枉娛樂」回應有關演唱會擱置事宜,他表示:「我都唔知應該點面對同消化呢個消息。」

身處泰國布吉的Kenny拍片回應有關紅館演唱會擱置一事。 (Facebook影片擷圖)

Kenny表示本來打算與Steven商討過後再作回應,不過事出突然,Steven在東窗事發後經已失縱,連Kenny及經理人Mani也未能聯絡上他,唯有自己拍片回應。影片中,Kenny坦言:「我而家都唔知應該點面對同消化呢個消息,不過要好感恩大家不停喺網上集氣,畀BOYZ有機會做紅館騷。」說到這裡,Kenny已眼紅哽咽。

十多年的紅館夢想突遭摧毀,連Kenny也禁不著流下男兒淚。 (Facebook影片擷圖)
+2

Kenny又特意向公司英皇娛樂及樂迷道謝:「多謝佢哋嘅支持,因為佢哋知道呢個係我等咗十幾年嘅願望同夢想。呢一年內,我哋拍好多搞笑片,公司又幫我哋宣傳歌,最後目標都係為咗呢個紅館演唱會。喺度我同大家講一聲最大嘅抱歉,今次的紅館演唱會經已正式擱置。」似乎這次的「壽終正寢」,的確難以「借屍還魂」。

經理人霍汶希Mani在Facebook上支持Kenny,希望他盡快重拾心情! (Facebook擷圖)

最後Kenny又提及Steven:「佢係我一個好好嘅兄弟,亦係好好嘅手足,我相信佢會為咗自己嘅行為負返作為一個男人應有嘅責任。」事件仍在醞釀中,Kenny承諾再有進一步消息會向大家宣布。