你看不到的「衛詩X馮允謙」 完騷喪Jam John Mayer係共通語言?

撰文:彭嘉彬
出版:更新:

上星期三(13/5)衛詩與馮允謙首度在《香港01音樂會》當中合作,除了個人作品外,又合唱了Lady Gaga和Bradley Cooper的《Shallow》,雖然是首次幕前合作演出,不過二人一見如故,其實全因平時透過音樂而結緣。音樂會當日,他們皆表示不滿意:「完全唔夠喉,我覺得我哋可以做多啲合唱歌,因為我哋啱啱先發現原來我哋把聲好夾!仲有John Mayer啲歌都未唱。」

二人首次合作演出,音樂會原定歌單只唱5首作品,但二人一見如故,完Live後Jam歌。(陳順禎攝)
+5

Jill和Jay分別也有自己的孖生姊弟,他們坦言四人一起合作也未嘗不可,Jay又笑言最初認識Janice和Jill時未能分清她們:「因為佢哋真係太似,所以有時見到都唔Sure邊個先係Jill。而家就分到,因為Janice長頭髮,Jill就短頭髮,佢哋兩個比我同我細佬更似樣,反而聽聲就容易分清楚。」

Jay和Jill各自也有自己的孖生姐弟,Jay坦言最初分不出衛蘭和衛詩。(陳順禎攝)

近日馮允謙為衛詩新歌《分手第二天》擔任作曲人,他們笑言創作過程吹水多過做嘢:「成首歌15分鐘已經寫起,其他時間都係傾計、搞笑,因為我哋平時都會whatsapp傾下計,之前都諗過一齊做cover,不過最後都係搞唔成,所以今次一合作就好快手。」提起二人最初相識的經過,衛詩表示認識馮允謙全因姐姐衛蘭:「4年前家姐提起馮允謙個名,佢問我識唔識得Jay Fung,佢真係好唱得!之後我就開始留意Jay Fung。」合作過程中,他們又有趣事發生:「咁啱我哋都唔識中文,大家都係寫拼音歌詞,但佢啲拼音同我啲拼音完全唔同,所以我又睇唔明佢啲譜,佢又睇唔明我啲譜。」

由於他們也是「英文人」,故此皆以拼音提詞,不過他們笑言採排時才發現看不懂對方寫的拼音歌詞。(陳順禎攝)