【本週Jer住你】麥浚龍不接受大唱片公司工作模式:好多規矩都錯

撰文:劉傳謙
出版:更新:

Juno麥浚龍與謝安琪今日(6/7)推出長達8分鐘的新歌《合唱歌》,講述兩人飾演的董折和浦銘心重遇的故事。前者早前接受網台《本週Jer住你》訪問,並從初出道效力環球唱片的時期談起。

Juno及Kay今日推出新歌《合唱歌》,以董折及浦銘心重逢作主題。(網絡圖片)

Juno於2002年出道,初期以跳唱歌手方向發展,並於出道前曾到日本向當地樂團TRF成員SAM〈丸山正溫〉學習舞蹈。原來Juno在環球發展時一直不滿大型唱片公司的創作模式,直言:「好多嘢我都開始接受唔到,我覺得好多規矩都錯。」對於出道前與公司開會時的畫面,Juno至今仍歷歷在目:「A&R(指藝人與製作部)一坐低就講『呢兩隻可能就啱邊個邊個啦,呢兩隻就你聽下啦,嗰兩隻就畀某個新人啦。』第一刻畀我嘅感覺係,歌係做出嚟㗎喎,歌唔係派出嚟㗎喎,唔係分嚟分去,唔係話你唔鐘意就畀我,我唔鐘意就畀你。」話雖如此,Juno出道作《愛上殺手》在樂壇反應不俗,主持之一Jerald(陳哲廬)更直認這是多年來最喜愛的作品。

當Juno談起自己最短只有20分鐘錄音時,監製徐耀宗(右下)相當驚訝。(影片擷圖)

2003年可謂Juno事業上的轉捩點,當時在公司安排下需要兼顧無綫劇集《律政新人王》拍攝工作,錄音時間大減,最短更只有20分鐘,大概只能完成2 Take錄音,如此緊密的時間令另一主持徐繼宗大為震驚。Juno認為:「個比重係開始有啲誇張啦,點解我晚晚冇得瞓,竟然係安排咗去拍劇,而唔係去咗錄音呢?我簽約係做歌手,唔係拍劇㗎嘛。」翌年,Juno開始無法忍受這種工作模式下做音樂,於是萌生退意:「如果我繼續做落去都係咁樣嘅模式,我覺得我會有病。嗰陣時心裡面覺得好多嘢我都唔開心,我覺得係因為嗰個年紀啦,但係呢個係得意嘅,因為嗰團火變咗擺喺個心度。」當年他決定離開環球唱片,嘗試擺脫大公司架構製作自己心儀的作品:「我覺得路係行出嚟㗎嘛,有乜嘢係唔使捱嘅?」

+11