一連三場的《農夫全香港最好笑嘅演唱會》今日（10日）在紅館舉行尾場，由於今日是母親節，考慮到fans要跟家人食飯，農夫在下午開Show。三場以來不少藝人朋友撐場，今日先有佘詩曼、黃子華結伴到場，不過這亦意味着網上流傳子華做尾場嘉賓的消息屬謠傳。

此外，張家輝與關詠荷更是手拖手來睇騷，非常甜蜜，家輝更拖住太太向觀眾席揮手飛吻，近鏡睇關詠荷依然好靚，十分凍齡。而嘉賓席上還有樂易玲與兩個兒子、炎明熹、陳柏宇、林俊其與羅毓儀、少爺占等。