譚嘉儀新碟華語榜登頂 惜新人獎冇帶挈增工作量

撰文:李妍樺
出版:更新:
拎完新人獎又上HMV第一位,嘉儀話係夢想成真!(李妍樺攝)

歌手譚嘉儀今年可謂鴻運當頭,除了在頒獎禮上連奪新人獎金獎後,今次首度出碟更登HMV華語碟榜的第一位,實在雙喜臨門!她謙虛謂:「我都好滿意自己的成績,其實可以出到碟已經好難得,而上榜對我嚟講係Bonus。」未來嘉儀計劃會繼續主持演戲及唱歌,三線發展,更會自己包辦寫歌填詞,她說:「嚟緊我會寫更多嘅歌,除咗愛情想寫多啲親情、社會、朋友之間的經歷。」

被問到獲獎後工作量有否增加,嘉儀回答道:「其實冇特別加多,同平時一樣都係做下主持做下訪問咁,反而就多咗朋友恭喜我囉。」嘉儀又提到感恩自己有堅持音樂這條路,曾經自己到不同的公司上自薦,每每都失敗而回,幸好有家人支持,令她音樂路上並不孤單。

老闆Herman還特意為嘉儀撐場。(李妍樺攝)