ToNick陳柏宇撞正銅鑼灣宣傳 即興夾歌甩碌：亂亂地先係Busking
撰文：黃浩晉
出版：更新：
近期不斷有歌手由舞台走到地面，更走入人群玩busking，日前有謝霆鋒突擊現身銅鑼灣時代廣場打木箱鼓，仲拍住一眾英皇的師弟妹jam歌。似乎時代廣場是一個「兵家必爭之地」，今日傍晚6時左右有陳柏宇以及，恆仔@ToNick、Yukilovey、何兆基@野佬，等人現身時代廣場地下。有趣的是，兩個表演單位事前並沒有約定，的確是「啱啱遇着剛剛」。
傍晚6時15分左右，陳柏宇現身銅鑼灣時代廣場地下快閃busking。(攝影：彭嘉彬)
傍晚6時15分左右，陳柏宇先現身，獻唱新歌《行屍走肉》及《沒有你我甚麼都不是》；唱畢兩首歌後，恆仔、Yukilovey、何兆基等人突入，兩個表演單位更即興jam ToNick大熱作品《長相廝守》以及經典動畫主題曲《足球小將》。雖然未曾綵排過有些微「甩碌」，但現場觀眾依然聽得投入。
雖然撞正地方宣傳，不過協調下，都可以解決問題，仲好好氣氛添！
+7
早前本地獨立樂隊的搖籃—Live House Hidden Agenda(HA)，遭入境處人員指涉嫌聘請黑工，而HA更表明七月開始將停止舉辦公開演出，意味着香港獨立樂隊將失去一個表演場地。而近日不斷有歌手走到街頭busking，是否因為正正反映香港表演空間不足的問題？
雖然即興jam歌有些微出錯，但現場氣氛一樣高漲。(攝影：彭嘉彬)
接受訪問時，問到恆仔之前曾與陳柏宇合作演出，今日巧合聚頭有何感覺，他雀躍地表示：「好開心，好驚喜佢突然間話想唱《長相廝守》，因為我都好想聽佢唱！」又問到是否香港表演空間不足，所以要走上街頭宣傳？恆仔認為：「表演地方越多越好，喺街頭係好自由嘅方法，但係玩音樂嘅地方唔會嫌多。」
對於銅鑼灣時代廣場地下這個「兵家必爭之地」，又巧遇陳柏宇，何兆基興奮表示：「Jason約都約唔到，咁啱撞到就一齊玩啦，縱使冇夾過亂亂地，但係呢個就係街頭Busking嘅氣氛！」