HK Express空姐大吐苦水 編更混亂、內部封閉「今日唔知今日事」

撰文:甄挺良
出版:更新:

香港快運(HK Express)近日爆出人手嚴重不足,導致黃金周18班航班需要臨時取消。政府亦明言情況不理想,責成香港快運要在一周內提交報告。
有香港快運空姐向《香港01》透露,由於空中服務員人手非常緊張,導致機組人員編更上非常混亂,「直情今日都唔知今日事」,隨時一通電話就要改變飛行時間及目的地。她又提到,香港快運對員工發放消息「非常封閉」,就連公司「喜訊」都不會作內部通知,「有新航點我都係睇出面啲旅遊網先知」。

香港快運早前宣布18班黃金周航班臨時取消,政府亦明言情況不理想。(資料圖片/江智騫攝)

香港快運近年因其極為低廉的票價,廣受歡迎,不時引發「搶飛潮」。但其航班就經常出現延誤、甚至取消,今次黃金周更有18班航班要臨時取消,全城嘩然。今次事件主因,在於香港快運安全培訓人員早前集體離職,導致部分機組人員未能及時接受年度安全培訓,不能上機服務。工會更發聲明批評,香港快運長期不肯正視人手不足夠問題,引致今次惡果。

於香港快運擔任空姐的April(化名)表示,公司內部資訊封閉,行政混亂,每月月底發出的更表「只作參考」,「好多時完全唔跟咁滯」,不時需要臨時「調更返工」,令員工的作息時間大受影響。

慘況一:更表僅供參考
April表示,據她所知,其他航空公司一般會在月中至中下旬向空中服務員,發出下月的更表。但香港快運一般要24號才會公布,下一個月的假期亦難以預料,「好難約親人、朋友」。她續指,同事之間對公司發出的更表往往「只作參考」,「往往真係返工就會係兩回事」。不但航點會改變,就連上、下班時間亦會改動,「員工要每日睇住更表,看看是否有更新,甚至乎上晝一個電話,就要即刻準備飛去第二度」。

(資料圖片/江智騫攝)

慘況二:工時難預算 作息無定時
由於空中服務員不時需要「臨時調更」,令到他們作息時間大受影響,「可能連續幾日不同時間即日來回」,做足6日才有一天休息,「唔會話唔符合民航處規定,但員工唔係『撳個掣』就可以休息,長時間休息不足,好容易就會病。」April認為,公司雖然不會「明言」不准請病假,但「人手咁緊張」,亦會令員工有壓力,「盡量唔會請病假」。

慘況三:人手緊張 導致航班延誤取消
香港快運航班不時出現延誤、取消,April坦言箇中其中一個主因在於人手編制非常緊張,「好容易就唔夠人,開唔到機」,「呢個情況唔係新鮮事」。她又指,遇上類似情況,公司需要立即調配其他同事「頂上」,「經常都是本來飛下晝,公司一個電話打來,就變咗飛朝早」。亦正正因為上述原因,導致部分航班需要延誤,「始終唔係個個即刻可以趕到來」。

慘況四:突然「調派」升級高級艙務長 「特別緊張,唔想影響乘客」
April坦言,自己亦試過因公司未能安排資深同事上機,而需要臨時「頂上」,擔任「高級艙務長」,更形容上述情況「都幾普遍」。她表示,雖然公司有為不同同事作出簡介和訓練,但始終「平日唔係做開,無經驗會特別緊張,唔想影響到同事、乘客」,加上往往只會在當天上班之後,公司才會宣布作出調動,「只好向資深同事請教,盡努力」。

慘況五:內部資訊封閉 報喜報憂員工只能「睇新聞」
April又提到,香港快運公司內部資訊封閉,「員工係唔會知道公司的消息」。她舉例指,記得公司早前開拓新航點,「好多同事都係要睇出面啲旅遊網先知道」,反問「大家同一間公司,點解就算好消息,同事都係最後先知?」她續指,今次臨時取消航班,前線員工亦只是透過新聞報道才獲悉細節,「有時畀啲客問到『有無機返架』,我都好明白佢哋心情,但我都唔知可以點幫佢哋。」

對於上述提及的「慘況」,《香港01》已向香港快運了解,暫未獲回覆。