【樂視熄燈】曾被拖糧 NBA評述員張丕德臨別宣言：解脫多於遺憾
啟播不夠兩年的樂視體育香港明（15日）晚將會停止運作。
樂視體育NBA評述員張丕德接受《香港01》訪問時稱，「多多少少有啲遺憾」，「但解脫嘅感覺仲多」，又指曾被公司拖糧，「令我好攰，有時做咗嘢，但唔知下個月有冇糧出」。
樂視體育香港屢傳財困，昨（13日）被海外公司越洋入稟清盤，及後有內部員工收到公司電郵，稱本周四（15日）結業，並終止相關合約。在荃灣的樂視體育香港辦公室，有員工今早（14日）繼續工作，接待處旁的2部電視仍播放NBA的2場賽事。
樂視體育NBA評述員張丕德（Peter），接受《香港01》訪問時稱，對公司「執笠」感到遺憾，但覺得「如釋重負，解脫嘅感覺仲多」。他解釋，過去一年聽到不少有關公司的負面消息，他更曾被拖糧。「喺呢行20多年，呢間公司令我最攰。有時做咗嘢，但唔知下個月有冇糧出」。Peter補充，公司稱已發放2月份薪金，但「未過到數」，而3月份的半份薪金則須待北京公司回覆。
今天（14日）是Peter在樂視工作的最後一天，他稱「講最後一場波」時有點感觸，在直播節目尾聲更特意跟觀眾說再見，稱「隨住呢場波嘅完結，小弟張丕德喺樂視嘅NBA任務亦都係完結」。Peter形容，自己當時很冷靜，「以為我會突然講唔到落去，但今日冇，唔知係咪因為已經喺腦海入面，練習咗呢句對白好多次」。
在離開公司前，Peter亦有跟他的好戰友道別。「我同同事講，今日好似學期嘅最後一日，最後一日上堂咁，大家握手、擁抱、影相」。Peter稱，同事們對公司倒閉早有心理準備，所以大家都沒有特別傷感。他解釋，上年10月公司拖糧時，已心知不妙，但最後樂視將世界盃決賽周播映權轉售予now TV，「暫時解決咗個危機」。但上星期樂視在播放英超賽事期間，突然「斷片」，加上公司的雲端網絡的付款限期已到，他當時便覺得「the end is near」。
回望在樂視工作的一年多，Peter亦有所得著。「NBA我哋一個星期做14場，呢個安排係前無古人、後無來者」，又指「我哋有9至10位評述員，可以做到外國電視台般分工明確，評述賽事時，「一個主播加一個球員或教練，聽起嚟會吸引啲」，他認為「嚟到樂視，在製作上我做到一啲想做的事出嚟，唔知另一個平台可唔可以再做到咁樣」。
在樂視「講波」的工作正式告一段落，Peter稱暫未知前路如何，「呢20幾年我嘅生活作息，都係跟NBA seasons去做，未試過3、4月可以休息，依家正正係一個機會，畀我思考我下一步做啲咩」。
