【張德江訪港】沙中線地盤停工　港鐵澄清額外費用未知誰承擔

全國人大委員長張德江訪港三天，灣仔會展附近的兩個地盤便要封閉四天，包括已延誤的沙中線。港鐵下午（5月13日）說如果停工造成額外開支，理論上由路政署承擔，發言人晚上澄清，沙中線是路政署的工程，他們不能代答，而最終有沒有額外開支，或者由誰承擔仍然是未知之數。路政署回覆說，他們和港鐵公司正與相關承建商審視停工的實質影響，並會按工程合約條款處理費用問題。

地盤停工四天，業界估計涉及額外開支可能超過一百萬。究竟停工涉及的費用由誰承擔？記者今日分別向港鐵和路政署查詢。港鐵最初的回覆，指理論上由路政署承擔。

港鐵發言人和記者的對答記錄如下(下午三時許)

記者：你話要看合約的條款，但明明停工是政府make的decision(下的決定)，cost應該由他bear(應由政府承擔開支)？

發言人：理論上係，不過有些工序真係可以調配到，或者基本上無需要在嗰個時間做的，可能，譬如咁講，咁就未必牽涉一個extra cost(額外開支)

記者：咁即係無extra cost，但如果有extra cost就應該係client(政府)比，因為佢話停工的？

發言人：理論上係，大部分...應該咁講，整體大道理嚟講，應該係的。

記者：即係理論上係的，但實際上？

發言人：究竟點樣去傾，究竟係咪所有野都要支出？呢個真係未知。

相關報道於下午六時許刊登：張德江訪港　地盤停工四天料損失逾百萬　港鐵：理論上政府承擔

報道刊登後　港鐵急解畫

港鐵晚上致電話記者澄清，額外費用由誰承擔仍是未知之數。

港鐵發言人和記者的對答記錄如下(晚上十時許)

發言人：其實真的未有一個結論，所以唔能夠咁講。

記者：即使是路政署要求停工，也未必要路政署承擔？

發言人：呢個係路政署的工程，我不能代他們作答。究竟實際上最後的結果，因為依家真係未知道有無費用，或者有無實際影響。所以我們唔能夠講明由邊個去承擔呢個支出。