iPhone XR明開售　內地預購熱烈　先達店主：炒價仍有水位，但…

蘋果公司（Apple Inc.）新一代的平價版iPhone XR將於周五（19日）接受網上預訂，鑑於較早前旗艦版iPhone XS手機推出時，炒風一瞬即逝，嚇怕部份「果農」。惟近日有內地報導指，網購平台京東商城於本周初已「偷步」開放預訂iPhone XR，短短1天時間，預購人數已突破89萬人，由於人氣火爆，看來令不少「果農」重燃希望，盼可再炒iPhone XR賺一筆。
有先達回收店店主表示，以往平價版iPhone於香港的炒風一般，加上預料iPhone XR的貨源非常充足，宜自用多於轉售，預計只有不足500元的「水位」，並說：「頭兩日可能有少少賺，之後唔好諗啦！想賺錢？買騰訊好過啦。」

新一代的旗艦版iPhone XS及iPhone XS Max於上月21日派貨，除吸引了一班「果迷」追棒即買即用外，亦有一班期望能即賣即賺的「果農」入手，但由於其貨源充足，炒風非常淡靜，平均轉手水位只有數百元價位，有「果農」甚至要平手走以免炒燶，因此本來亦不看好即將在本周五預售、較平價的iPhone XR的炒價。

炒iPhone XS傳燶味　iPhone XR預購熱烈惹憧憬

惟近日有內地報道指，網購平台京東商城於本周初已提前「偷步」開放預訂iPhone XR，短短1天內，預約購買的人數已突破89萬人，銷情熱烈，令人關注iPhone XR會否再掀炒風。

但是，旺角先達廣場的手機店「i世代」負責人勞景滺仍不看好。勞說，以往蘋果推出新款平價手機，由於貨源充足，加上主要為用家購買，不宜炒售，故今次iPhone XR在內地預購的反應好，也不能代表「炒貨」水位高，預計最多只有500元以下的差額。

勞又說，現時預計蘋果會大量出貨，加上香港和內地同時出售，相信只會於發貨的首兩日有一些炒賣水位，其後炒價必定大跌：「我哋向廠拎都平少少，咁唔會拎街上太多貨，頭一兩日可能有少少賺嘅，但都唔足500元。」

「果農」兩大貼士：留意俄羅斯中東買家　炒機「唔好買紅色」

而對於一眾「果農」，勞亦有一些轉售貼士可提供。勞指，近年除內地市場外，由於俄羅斯及部份中東地區的iPhone售價，在計算匯價後較香港高，部份iPhone XR新貨或會轉售往當地，如上次iPhone XS派貨日，就見不少俄羅斯或中東買家持現金收貨。

此外，以往iPhone新機首賣，旺角先達廣場擠滿轉手的「果農」，勞表示現時的購買方式有變，此風不再：「𠵱家嚟嘅都係用家為主啦，想賺錢點會賣iPhone，買騰訊好過啦，有得升，iPhone只會跌。」他又提醒部份仍想「炒售」iPhone的市民，可選擇售價為6,899元的128GB手機，相信會較受歡迎，「仲有唔好買紅色，唔得㗎，冇人要！」