帶着子女去返工？ 莊偉忠繼續收買員工心
撰文：香港01記者
出版：更新：
不開會又不離地的CEO 莊偉忠，今個月初正式出任康宏金融（1019）的行政總裁後，即有新搞作，上周五舉辦「Bring Your Kids to Work Day」，員工可以帶自己小朋友一起「返工」，讓他們親身體驗爸爸媽媽的工作環境，增進親子感情之餘，又鼓勵員工在工作外，亦要多關心家人。有兩個兒子的莊偉忠，與小朋友相處「無難度」，自拍、變魔術，好快就「打成一片」。
新上任的康宏CEO莊偉忠，「探班」時不忘跟大人、細路玩自拍。（康宏提供）
轉戰金融界 莊偉忠續敢言：梁天琦被拒參選「完全唔合理」「復出」後難捨太太 莊偉忠談夫妻之道：一日無打茄輪都唔係愛情莊偉忠轉行撈保險 只限兩年？一田前CEO莊偉忠復出 任康宏金融行政總裁【有片】莊偉忠抽「提早退休」水 進軍廣告界教理財
曾說「善待員工，是對投資最大保證。」的莊偉忠，再次運用他的「小學雞智慧」管理方法，剛上任兩星期，就在新公司舉辦「Bring Your Kids to Work Day」，讓小朋友「堅．返工」。
上周五（12日），20名4至8歲的小朋友跟住父母準時9點「返工」，在公司人力資源部領取印有照片和名字的員工證後，這班「小員工」就先遊覽辦公室，又在父母的工作間試「做嘢」，了解父母的工作環境。然後他們與父母一起在藝術工作坊，將由不同部門回收的物料製作感謝卡，場面熱鬧又溫馨。小朋友對父母工作多了一份理解，就不易「扭計」，員工又可以專心工作。莊偉忠果然是「識管理先要識做人」。康宏指，活動反應很好，以後會計劃舉辦更多親子活動。
莊偉忠在新公司舉辦「Bring Your Kids to Work Day」，讓員工帶小朋友一起「返工」，增進親子感情。（康宏提供）
曾擔任一田百貨CEO的莊偉忠，經常稱「善待員工」，經常有金句。包括：
開會是內耗！可免則免。貫徹肥下瘦上，見低拜，見高踩。與工作談戀愛，蠢到不得了。最有效率嘅管理方法，就係5個人做10個人嘅嘢，出8個人嘅人工。
