【港人菲製毒案】家屬連夜回港晤傳媒 「特首你唔救我哋死梗喇」
流落他鄉逾兩載，歷經近900日煎熬，昨（14日）菲國法官一錘「終身監禁」定音，四製毒港人疑犯錯愕、家屬崩潰、律師震驚。中國領事王皓指無法干預菲方司法制度，或可考慮申請引渡四人回港服刑。晴天霹靂的家屬今晨甫飛返本港，即聯同立法會議員涂謹申在機場會見傳媒，更一度攬着涂謹申哭崩：「特首你唔救我哋死梗喇，冇天理呀‥‥‥」涂謹申則促請特首及中央政府出手介入此「冤案」，否則以當地司法制度，上訴也是徒勞無功。
「好晴天霹靂，好恐怖‥‥‥有片有圖有人證物證，個法官就話你有罪，偏幫菲律賓差人！」
特首閣下，如果妳有機會見到習近平主席，一定要幫我哋反映，唔係實死梗冇得救喇！
▼「有片有圖有人證物證，個法官就話你有罪」
凌晨約1時半，梁樹福女兒梁穎琳及盧榮輝胞姊盧樹好由菲律賓飛返本港，與一直提供協助的立法會議員涂謹申會見傳媒。原本滿懷信心能一家回港團聚過節的希望落空，面露疲態的盧姊率先哽咽謂：「好晴天霹靂，好恐怖‥‥‥有片有圖有人證物證，個法官就話你有罪，偏幫菲律賓差人，睇都唔睇證據就判我哋有罪！」她指判決極不合理，所有辛苦得來的證據白費，只盼特首能抽出寶貴時間查看相關證據影片，「如果妳唔幫佢，佢哋四個今次死梗喇，咁樣冤屈喺菲律賓！」
▼哭崩機場 「特首你唔救我哋死梗喇，冇天理呀」
語畢，盧姊終崩潰攬着涂謹申嚎哭，聲淚俱下哀求：「嗚‥‥‥特首閣下，如果妳有機會見到習近平主席，一定要幫我哋反映，唔係實死梗冇得救喇，我點同個女同年老嘅媽咪交代，廣大嘅市民你教我哋點做呀？特首你唔救我哋死梗喇，冇天理呀‥‥‥連菲律賓記者都唔怕死出嚟講正義呀！」盧姊又指兩年多來傾家蕩產，換來竟是如此結果，令人無法接受。
唔明點解有片證明咁多嘢，反而法官淨係相信警方片面供詞！
我Daddy話都係等死，不如我死咗去，我十幾年都未聽過佢講啲咁嘅說話！
▼「點辛苦都一定要搵方法去幫我屋企人！」
梁樹福女兒梁穎琳亦炮轟判決荒謬，令人髮指，「唔明點解有片證明咁多嘢，反而法官淨係相信警方片面供詞！」她指當地警方及法官從未看過他們得來不易的證據，「法官唔睇唔理唔認，試問咁多位有咩反應？」她得知特首即將訪京，昐她向中央反映事件，「我哋好需要一個交代，亦都要向四位喺嗰邊（菲律賓）受緊苦嘅屋企人交代！」她希望能夠上訴，「點辛苦都一定要搵方法去幫我屋企人！」
▼聞判大受打擊 「都係等死，不如我死咗去」
梁女又提及聞判一刻，疑犯港人郭錦華幾乎腳軟昏厥，雖然四人現時健康情況尚可，惟心理質素必受影響，情緒大受打擊，或可能引致抑鬱，並指父親梁樹福似已萌生死念，「我Daddy話都係等死，不如我死咗去，我十幾年都未聽過佢講啲咁嘅說話！」
特區政府同中央政府真係要出手，如果佢唔幫我哋四個香港人，我相信就算我哋再點樣上訴呢，根據佢（菲律賓）個制度都好渺茫。
如果佢哋知道好多香港人信佢哋、鼓勵佢哋係好重要！
▼涂謹申：特區政府同中央政府真係要出手
涂謹申批評此宗是「冤案」，且審訊過程中首位法官因為接獲死亡威脅而被徹換的情況極不尋常，他曾認為聘請好的律師及有堅實證據，可透過當地法律制度解決，但最終判詞令人匪夷所思。他指一直約見特首無果，促當局盡快伸援，「特區政府同中央政府真係要出手，如果佢唔幫我哋四個香港人，我相信就算我哋再點樣上訴呢，根據佢（菲律賓）個制度都好渺茫。」
▼或發動眾籌 望政府對比近期案件不要「大細超」
涂又呼籲港人團結施援，簡單如寫信透過其辦事處給予四名港人支持，「如果佢哋知道好多香港人信佢哋、鼓勵佢哋係好重要！」又指即使中央出手協助，上訴定必花費不菲，家屬卻幾已山窮水盡，故或會發動眾籌，協助上訴打官司，亦促請政府對比其他近期案件不要「大細超」，見到習主席能代為反映，只有中央關注才可能取回公義：「最重要如果特區政府同中央政府唔出手，我相信所謂上訴都好渺茫，希望林太唔見我哋唔係有咩表示啦！」
案發於2016年7月11日，菲律賓警方於蘇碧灣一艘漁船上，搜出約500克懷疑冰毒及一批製毒工具，船上四名港人陳國棟、梁樹福、盧榮輝及郭錦華被捕。據了解，警員搜查船隻及四人行李兩次，首次並無發現毒品，在場所有記者親眼目擊。但其後警員突在眾人視線範圍外，在其中一人背囊搜出500克毒品，惹來插贓之嫌。
圖輯：四名港人菲律賓製毒案 案發經過及判決情況
