沙田安心街今早（20日）發生交通意外，一輛的士由安平街右轉入安心街時，懷疑扭軚「扭過籠」，直撞向路中安全島，將一個燈箱撞冧。姓袁54歲男的士司機沒有受傷，事件列作「交通意外——政府財物損毀」。網上流傳一段事發後的影片，由其他途經的駕駛人士拍攝，可見的士底盤卡在安全島上，前後車輪疑離地，的士司機毫不知情，嘗試踩油脫困不果，後車胎離地打轉。拍攝者不斷稱﹕「冇得搞喎，傻㗎佢？」。最終的士司機亦無計可施，放棄再踩油。

有網民懷疑司機沒專心駕車肇事，「掛住篤電話」，笑言「先生，呢度唔畀泊車」，並稱踩油的行徑沒大意義，「卡住左點走」、「前後輪離地，冇動力點走呀？你都係交返個車牌出來，乜車都唔好揸」、「試吓單手抬起個車頭」、「想走走唔到？下年保險9萬」。